इटहरीः आज ताप्लेजुङमा दुर्घटना भएको हेलिकोप्टरमा सवार सबै व्यक्तिको निधन भएको प्रहरीले जनाएको छ ।

नागरिक उड्ययन प्राधिकरणले हेलिकोप्टरमा चालकसहित ७ जना रहेको जनाएको छ । प्राधिकरणका अनुसार हेलिकोप्टरमा संघीय पर्यटनमन्त्री रवीन्द्र अधिकारीसहित ७ जना सवार थिए ।

को को थिए हेलिकोप्टरमा
प्राधिकरणका अनुसार मन्त्री अधिकारीसहित यति एयरलायन्सका अध्यक्ष आङछिरिङ शेर्पा र प्रधानमन्त्रीका स्वकीय सचिव युवराज दाहाल पनि हेलिकोप्टरमा सवार थिए ।

क्याप्टेन प्रभाकर केसी तथा वीरेन्द्रप्रसाद श्रेष्ठ, अर्जुन गुरुङ र धु्रवदास भोछिभैया पनि सो हेलिकोप्टरमा सवार थिए ।