बेलबारीः मोरङको बेलबारी–१० भाउन्नेमा रहेको सृजना सामुदायिक वन क्षेत्रमा रहेको सृजना पार्कमा आज नेपाली काङ्ग्रेसका केन्द्रीय नेताले अवलोकन गरेका छन् ।
काङ्ग्रेस पार्टी सभापति तथा पूर्व प्रधानमन्त्री शेरबहादुर देउवा तथा नेताहरू विजयकुमार गच्छदार, डा.प्रकाशशरण महत, विमलेन्द्र निधि, पूर्णबहादुर खड्का, रामहरी खतिवडा लगायतले उक्त पार्कको अवलोकन गरेका हुन् ।
पार्क अवलोकन गर्दै सृजना पार्क पूर्वी नेपालको राम्रो पर्यटकीय गन्तव्य बन्न सक्ने पूर्व प्रधानमन्त्री देउवाले बताए । फागुन ४ गतेदेखि २१ गतेसम्म चलेको अन्तराष्ट्रिय मूर्तिकला कार्यशालामा नेपाल सहित ६ वटा देशका मूर्तिकारले ढुङ्गामा कुँदेका चित्र काङ्ग्रेस नेताहरूले अवलोकन गरेका हुन् ।
सो पार्कको पूर्व प्रधानमन्त्री तथा नेकपाका अध्यक्ष पुष्पकमल दाहाल, कानुन तथा सङ्घीय मामिला मन्त्री भानुभक्त ढकाल, प्रदेश नम्बर १ का मुख्यमन्त्री शेरधन राईलगायतले अवलोकन गरिसकेका छन् ।
_1720278409.jpg)
