यस्तो छ प्रदेश १ को स्थायी राजधानी ‘बाँडफाँड’को तयारी

  • प्रकाशित मितिः भदौ ४, २०७५
  • २०९२५ पटक पढिएको
  • प्रदेश पोर्टल
alt

विराटनगर/ भदौभित्र प्रदेश १ को नामकरण र स्थायी राजधानीको टुङ्गो लगाउने कुरा सार्वजनिक रूपमा आएको छ । त्यससँगै प्रदेश १ को नामको विषयमा त अभियानहरू शुरु भएका छन् ।

आजै संघीय लिम्बुवान पार्टीले प्रदेश १ को नाममा लिम्बुवान अटाउनुपर्ने भन्दै इटहरीदेखि विराटनगरसम्म मार्चपास गयो । किराती संस्थाहरूले पनि पहिचानको अधारमा प्रदेश १ को नाम किरात हुनुपर्ने सार्वजनिक माग गर्दै अभियान चलाउँदै आएका छन् । केही समय अगाडि विराटनगर क्षेत्रका राजवंशीहरूले प्रदेश १ को नाम विराट प्रदेश हुनुपर्ने भन्दै जुलुस निकालेका थिए ।

हाल वामपन्थी बाहुल्य प्रदेश ६ र ४ को नाम क्रमशः कर्णाली र गण्डकी राखिएको नजिरका आधारमा प्रदेश १ को नाम पनि कि कोशी कि सगरमाथा हुन्छ भनेर अनुमान लगाउनेहरू पनि छन् ।

यसरी प्रदेश १ को नामकरणको विषयमा चर्का मतभेद र अभियानहरू चलेको प्रदेश १ मा राजधानीको विषयमा भने मौनता देखिएको छ ।

यसरी मौनता आउनुमा स्थायी राजधानीको बाँडफाँड दलगत आधारमा हुने भएकाले त्यस्तो भएको प्रदेश १ का जानकार सांसद बताउँछन् । राजधानीको विषयमा अनसनदेखि आन्दोलन र ज्ञापनपत्र बुझाएका इटहरी, धरान र धनकुटा अहिले मौन हुनुमा पनि राजधानीको विषयमा बन्दै गरेको साझा सहमति भएको स्रोतले बताएको छ ।

बृहत्तर विराटनगरको नाममा बन्दैछ राजधानी करिडोर
प्रदेश सभा बन्दा प्रदेशको स्थायी राजधानी बन्न विराटनगर, इटहरी, धरान र धनकुटाको नाम आएको थियो । आ–आफ्नो क्षेत्रमा राजधानी बनाउन सांसददेखि नेताहरूले लबिङ गरेका थिए ।

अहिले भने राजधानीको सवालमा नयाँ शब्द आएको छ – बृहत्तर विराटनगर । बृहत्तर विराटनगर अर्थात् विराटनगर महानगरपालिका क्षेत्र मात्रै होइन विराटनगरदेखि इटहरी हुँदै धरानसम्म समेटेर बनेको क्षेत्र । विराटनगर, इटहरी र धरानसम्म राजधानी लाने योजनामा प्रदेश १ का नेकपाका नेताहरू लागिपरेका छन् ।

बृहत्तर विराटनगर नै राजधानी हुने कुराको जनाउ हालसालै कान्तिपुर टेलिभिजनको टक सो फायर साइडमा प्रदेश १ का मुख्यमन्त्री शेरधन राईले पनि दिइसकेका छन् । उनले अन्तर्वार्तामा प्रदेश १ को राजधानीको लागि बृहत्तर विराटनगर उपयुक्त हुने बताएका छन् ।

केन्द्रीय नेताहरूसँगको कुराकानी र प्रदेशमा भएको विभिन्न संवादको निचोडको रूपमा बृहत्तर विराटनगर नाम राखेर राजधानी करिडोर बनाउने होमवर्क शुरु भएको छ ।

जसअनुसार प्रदेश १ को मुख्यमन्त्री कार्यालयसहित मन्त्रालयहरू विराटनगरमै राख्ने, प्रदेश सभा इटहरीमा राख्ने र प्रदेश प्रमुख भने धरानमा राख्न सकिने छलफल भएको नेकपाका एक प्रभावशाली नेता बताउँछन् ।

यो आर्थिक वर्षको बजेटमा इटहरीमा अन्तर्राष्ट्रिय सम्मेलन केन्द्र बनाउने कार्यक्रम पर्नु नै प्रदेश सभा इटहरीमा जाने जनाउ भएको उनको भनाइ छ । धरानमा प्रदेश प्रमुख लाने विषयमा पनि आन्तरिक छलफल भएको उनले बताए । विराटनगरदेखि इटहरी हुँदै धरानसम्म ६ लेन सडक बन्दै गरेको र आधा वा पौने घन्टाको सडक यात्रामा एकै करिडोरका तीन सहर पुग्न सकिने भएकाले राजधानी करिडोर उपयुक्त भएको नेताहरूको निष्कर्ष आएको सत्तारुढ नेकपा स्रोत बताउँछ ।

विराटनगरका व्यापारिक पावर हाउस, प्रदेश १ का मन्त्रीत्रय क्रमशः जीवन घिमिरे, हिक्मत कार्की र इन्द्र आङ्बो भने बृहत्तर विराटनगर नभएर विराटनगर महानगरमा मात्रै राजधानी हुनुपर्छ भन्ने लाइनमा भएको नेकपा सांसदहरू बताउँछन् ।

केही सांसदहरू भने विराटनगर, इटहरी र धरान कतै पनि राजधानी नबनाएर कुनै नयाँ स्थानमा राजधानी तोक्नुपर्ने तर्क गर्दै आएका छन् । तर, यो तर्क सत्तारुढ दलमा बलियो रूपमा भने आएको छैन ।

केही महिना अगाडि प्रदेशको स्थायी राजधानीको टुङ्गो नलागीकन प्रदेश सभा बनाउन विराटनगरका लागि बजेट छुट्याएपछि बहुमत सांसदहरूले त्यसको विरोधमा हस्ताक्षर सङ्कलन गरेका थिए ।

हस्ताक्षर सङ्कलन गरेको भन्दै गृहमन्त्री हिक्मत कार्कीले नेकपाका सांसदहरूलाई फोन गरेर राजधानी विराटनगर नै हुनुपर्ने भन्दै हस्ताक्षर नगर्न आग्रह गरेका थिए ।

राजधानी रेसको धनकुटाले के पाउँछ ?
प्रदेश १ को राजधानी रेसमा रहेको धनकुटाले सबैभन्दा धेरै आन्दोलन र चक्काजाम गरेको थियो । धनकुटामा राजधानी नहुँदा सबै क्षेत्रीय कार्यालयहरू अन्तै सर्ने र धनकुटा मृत शहर हुने भन्ने मनोविज्ञानको आधारमा धनकुटेलीहरू सक्रियतापूर्वक आन्दोलनमा सहभागी भएका थिए । सर्वसाधारणको आन्दोलनमा प्रदेश सांसदहरू पनि सहभागी भएका थिए ।

प्रदेश १ को शपथपग्रहण समारोहमा पनि धनकुटेली सांसदहरू निरन राई र इन्द्रमणि पराजुलीले धनकुटालाई राजधानी नबनाए कडा आन्दोलन गर्ने भनी मिडियालाई बताएका थिए । तर, अहिले दुवै सांसद मौन छन् ।

यसो हुनुमा धनकुटामा क्षेत्रीय कार्यालयहरू कायम हुने मोटामोटी सहमति भएको बुझिएको छ । जस अनुसार हालसालै स्वास्थ्य निर्देशनालय र शिक्षा निर्देशनालयको प्रदेश कार्यालयहरू धनकुटामै राख्न सफल भएको भन्दै धनकुटेली सांसदहरू निरन राई र कुसुम श्रेष्ठले प्रदेश १ का सामाजिक विकास मन्त्री जीवन घिमिरेसँग तस्बिर खिचेर सामाजिक सञ्जाल फेसबुकमा राखेका थिए ।

शिक्षा र स्वास्थ्य मात्रै होइन धनकुटामा पहिले रहेका क्षेत्रीय कार्यालयहरू अब प्रदेश कार्यालयको रूपमा धनकुटामै राख्ने होमवर्क शुरु भएको छ । त्यसपछि, बृहत्तर विराटनगरलाई राजधानी बनाउने तयारीमा सत्तारुढ नेकपा र मुख्यमन्त्री शेरधन राई लागि परेको स्रोत बताउँछ ।

प्रतिक्रिया दिनुहोस

कोशीहरैंचा उद्योग वाणिज्य सङ्घमा पुरानै का

विराटचोकः उद्योग वाणिज्य सङ्घ कोशी हरैंचाले १ वर्ष पुरानै कार्यसमितिलाई निरन्तरता दिने निर्णय गरेको छ । सङ्घको ८ आंै वार्षिक साधारण सभाले सो निर्णय गरेको हो । नयाँ सदस्यताको विषयलाई लिएर नेकपा र काङ्ग्रेसं समर्थित उद्योग वाणिज्य सङ्घका पदाधिकारी बीच मतभेद देखिएपछि सङ्घले नयाँ ने

उपमहानगरको दमकलः दमकल हो कि पानी बोक्ने ट्

इटहरीः वारुणयन्त्र संवेदनशील क्षेत्र भए पनि प्रविधिको प्रयोग नहुँदा दमकल र पानी बोक्ने ट्याङ्करमा खासै फरक देखिन छाडेको छ । आम जनताले पनि दमकल भन्नेबित्तिकै पानी बोक्ने ट्याङ्करको रूपमा बुझ्न थालेका छन् । दमकलमा आगोसँग लड्न पानी मात्र होइन आवश्यक अन्य सुरक्षा पनि हुन आवश्यक मानिन

प्रहरी कार्यालयभित्र वकिलमाथि हातपात गरेको

इनरुवाः सुनसरीको दुहबीमा प्रहरी कार्यालयभित्र दुई पक्षीय छलफलका क्रममा एक जना कानुन व्यवसायीलाई प्रहरी अधिकृतहरूले हातपात गरेको आरोप लगाइएको छ । शुक्रबार इलाका प्रहरी कार्यालय दुहबीमा सवारी दुर्घटना समबन्धी घटनामा छलफल हुँदा सुनसरी जिल्ला अदालत बार एसोसिएसन इकाइका सदस्य समेत रहे


इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण वहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2018 - pradeshportal.com All rights reserved