विराटनगरः विराटनगरमा अस्तिदेखि जारी नेकपाको बैठक सम्पन्न भएको छ । नेकपा हाइकमाण्डको बैठकले राजधानी विराटनगर राख्ने तय गरेको छ । नाम भने अर्को अधिवेशनले टुङ्गो लगाउने सहमति जुटेको उक्त बैठकमा सहभागी एक नेताले प्रदेश पोर्टललाई जानकारी दिएका छन् ।
बैठकपछि नेताहरूले लिखित रूपमा सहमतिपत्र तयार पार्दैछन् । जसमा राजधानी वृहत विराट क्षेत्रको विराटनगरमा हुनेछ। राजधानीको संरचना विराटनगर, इटहरी र गोठगाउँमा रहनेछ। राजधानीको संरचनामा कार्यपालिका र व्यवस्थापिका रहनेछ ।
तीन दिन देखि प्रदेश एक संसदमा सहभागी दलका प्रतिनिधि र विभिन्न क्षेत्रको प्रतिनिधित्व गर्ने नेकपा सांसदसँगको रायका आधारमा दलले अन्तिम निर्णय लिएको हो ।
नामका बारेमा भने पुनः विस्तृत छलफल गरेर सबैलाई मान्य हुने निर्णय आउने बताइएको छ ।
नेकपा संसदीय दलको बैठक भने आइतबार १ बजेलाई बोलाइएको छ ।
_1720278409.jpg)
