उर्लाबारी: मोरङको उर्लाबारी –६ मा रहेको राधिका माध्यमिक विद्यालयका शिक्षक चुडामणि ढकालले ३ जना विद्यार्थीलाई निर्घात कुटपिट गरेका छन् । मङ्गलबार शिक्षक ढकालले विद्यार्थी विषम खापुङ, आशिष पाण्डे लगायतका विद्यार्थीलाई कुटपिट गरेका हुन् ।

लौराले उनीहरूलाई निर्घात कुटेको भन्दै उर्लाबारी नगरपालिकामा विद्यार्थीहरू न्याय माग्दै आएपछि शिक्षक ढकालको कर्तुत सार्वजनिक भएको हो । उनले यसअघि पनि विद्यार्थीलाई कुटपिट गर्ने गरेको विद्यार्थीहरूले बताएका छन् । यता, प्रधानाध्यापक कुमार पोख्रेलले आफू बाहिर कार्यक्रममा भएकाले विद्यार्थीमाथि कुटिएको विषयमा छानबिन गर्ने बताएका छन् ।

विद्यार्थीहरूले शिक्षक ढकाललाई कार्वाही गर्न उर्लाबारी नगरपालिकामा माग राखेका छन् ।