अर्थतन्त्रमा बिफ

  • असार ४, २०७६
  • १४९७ पटक पढिएको
  • जनकऋषि राई (चाम्लिङ)
alt

इलाका प्रहरी कार्यालय महेन्द्रनगर सुनसरीका प्रहरी निरीक्षक जीवन तामाङले वराहक्षेत्र नगरपालिका वडा–३ नडाहा निवासी निमा शेर्पा (३४ वर्ष) आशिक राई (२६ वर्ष) र तिलक राई (४७ वर्ष)लाई ‘मरेको गोरु’ लाई ‘मारेको गोरु’ बनाई ‘झुटो मुद्दा’ दर्ता गराएपछि गोरुको मासुको बहस सतहमा आयो ।

यतिसम्म भयो कि अभियुक्तहरू धरौटीमा छुटेपछि उनीहरूलाई जनस्तरबाट सम्मानसहित वडा परिक्रमा गराइयो । जनस्तरबाट भएको यो सम्मानले एकातिर गोरुको मासुलाई वैधता दिनुपर्ने सङ्केत गरेको छ भने अर्काेतिर प्रहरीको गतिविधिले समाजमा विभाजन ल्याउँदै गरेको स्पष्ट पारिरहेको छ ।

प्रहरीले कानुनको पाटो देखाएर गोरुको मासुलाई गैरकानुनी देखाउने जुन प्रयास गरिरहेको छ, यस्तो गतिविधिले ‘नेपाल भ्रमण वर्ष २०२०’ लाई आर्थिक पाटोबाट नकरात्मक असर पार्न सक्छ भनेर सचेत हुनुपर्छ । यतिबेला प्रधानमन्त्री केपी शर्मा ओलीबाट उचालिएको समृद्धिको नारासँग पनि भ्रमण वर्षसँग उसैगरी जोडिएर आएको छ । यस्तो समयमा प्रहरीको गतिविधि समृद्धिको नारासँग समन्वय हुने प्रकारको हुन जरुरी छ । गोरुको मासु ‘भ्रमण वर्ष’सँग आर्थिक पाटोबाट जोडिने भएकाले यो विषयमा त प्रहरी झन् उदार हुनुपर्ने देखिन्छ ।

भ्रमण वर्षमा नेपाल सरकारले करिब २० लाख पर्यटक नेपाल भित्र्याउने लक्ष्य राखेको छ । अपेक्षा गरिएका यी पर्यटकमध्ये युरोपियन मुलुकका पर्यटकहरू ‘बिफ’ का शौखिन हुन्छन् । कुनै न कुनै माध्यमबाट उनीहरू ‘बिफ’सम्म पुग्छन् नै । २० लाख पर्यटकमध्ये १० लाख जनाले मात्र ‘बिफ’ खाइदिए भने कतिवटा गाई वा गोरु बराबरको मासु आयात गर्नुपर्छ ? आर्थिक कोणबाट यो पाटोलाई हेर्ने हो भने निकै रोचक विषय बन्न जान्छ । नेपाल प्रहरीको गलत बुझाइ र उनीहरूमा भएको शास्त्रीय चिन्तनका कारण नेपालमा गाईगोरु काट्न प्रतिबन्ध छ ।

तर, तारायुक्त होटलहरूमा विदेशी पर्यटकहरूको लागि ‘बिफ’ को परिकार पाक्ने गरेको छ । जसको लागि नेपालले ‘बिफ’ आयात गर्नुपर्छ । अर्थात्, नेपाली मासु बजारले कुनै न कुनै माध्यमबाट विदेशीहरूलाई ‘बिफ’ खुवाइ नै रहेको छ भन्ने हो । जसको लागि नेपालले आयातमा भर पर्नुपर्छ ।

आयात गर्नु भनेको आर्थिक रूपले क्षय हुनु हो । जबकि, ‘बिफ’ मा नेपाल आत्मनिर्भर हुन सक्ने देखिन्छ । नेपालमा सांस्कृतिक वा परम्परागत चलनअनुसार ‘बिफ’ खाने जातिको उपस्थिति छ । ती जातिहरूको उपस्थितिलाई सम्मान गर्दै सरकारले ‘बिफ’ लाई व्यवसायीकरण गर्न सके तारायुक्त होटलमा विदेशबाट आयात हुने ‘बिफ’ को मात्रालाई न्यूनीकरण गर्न सकिने देखिन्छ । यसो गर्न सके सरकार आफैँले घोषणा गरेको ‘समृद्ध नेपाल’ को लागि एउटा इँटा थपिने कुरामा दुई मत रहन्न ।

शास्त्रीय कोणबाटमात्र ‘बिफ’ को उपस्थितिलाई बुझियो भने आर्थिक उन्नतिको पाटो हुन सक्ने सूचीको सङ्ख्यामा कमी हुन जान्छ । हामी यो बेला ‘आर्थिक समृद्धि’ प्राप्ति गर्ने हो भने सकेसम्म आर्थिक उपार्जनको सूचीलाई बढाएर लान आवश्यक छ । त्यसको लागि ‘बिफ’ एउटा माध्यम बन्न सक्छ । नेपाल आउने पर्यटकहरूले व्यवहारिक रूपमै ‘बिफ’ को प्रयोग गरिरहेको कुरा तारायुक्त होटलमा हुने भोजन सूचीमा ‘बिफ’ राखिनुले पुष्टि गरिसकेको छ । जसको आयात विदेशबाट गर्नुपरिरहेको छ ।

यो भ्रमण वर्षमा पनि ‘बिफ’ आयात हुने निश्चित नै छ । तसर्थ, ‘बिफ’ को लागि नेपाली मासु बजारलाई आयातमुखी बनाउनेभन्दा पनि ‘बिफ’ मा आत्मनिर्भर हुने बनाउन आवश्यक छ । ‘बिफ’ मा नेपाल आत्मनिर्भर हुन सके सस्तो दरमा विदेशीलाई ‘बिफ’ खुवाउन सकिन्छ भने आयात निरुत्साहित भई अर्थतन्त्रमा पनि सकारात्मक प्रभावहरू देखिन सक्छ । भारतकै उदाहरण हेर्ने हो भने उत्तर प्रदेशमा योगी आदित्यनाथ मुख्यमन्त्री भएपछि ‘बिफ’ मा आधारित त्यहाँको अर्थतन्त्र खस्कँदो अवस्थामा छ ।

‘बिफ’ मा प्रतिबन्ध लागेपछि अहिले हिन्दू र मुस्लिम भन्ने भावना क्रमशः बढ्ने क्रममा रहेको छ । यसैगरी बेरोजगारीको सङ्ख्या पनि उत्तिकै मात्रामा बढेको आँकडा प्रकाशन भएको छ । सबैभन्दा आश्चर्यको विषय त भारत आफैँमा हिन्दू मुलुक भएर पनि उसको अर्थतन्त्र ‘बिफ’ ले धानेको छ । विश्व बजारमा ‘बिफ’ निर्यात गर्ने छैटौं मुलुकमा भारत पर्छ ।

arena tv add वराहक्षेत्र नगरपालिकाको पशु मवेसी करको टेण्डर हेर्ने हो भने यो साल ४१ लाखको आह्वान गरिएको छ । जुन बजार बाङ्गे बजार भन्ने स्थानमा लाग्छ, जहाँबाट बढीभन्दा बढी गाईगोरुको निकासी हुन्छ । बाङ्गेबाट भारत वा बङ्गलादेश निकासी हुने गाईगोरु पक्कै पनि जोत्न र गोबरले घर पोत्नको लागि मात्र होइनन् भन्ने कुरा आँखा अगाडिको सत्य हो ।
नेपाल भ्रमण वर्षमा हामीले ‘बिफ’लाई मात्र ध्यान दिने होइन कि स्थानीय रूपले उत्पादित र स्थापित भइसकेका भोजन तथा पेय पदार्थहरूको पनि व्यवसायीकरण गर्नमा जोड दिन आवश्यक छ । अहिले चीनले हङकङ बजारमा ‘छ्याङ’ नामको घरेलु मदिरा ब्राण्डिङ गरेर बजारीकरण गरिरहेको छ । देवनागरी लिपि मै ‘छ्याङ’ लेखिएको सो घरेलु मदिरा अहिले हङकङमा रहेका नेपालीहरूको लागि रुचिको विषय भएको छ ।

चीनले देवनागरी लिपिमा लेखेको ‘छ्याङ’ शब्द नेपालमा आदिवासी समुदाय तामाङ जातिको भाषा हो । जसको अर्थ ‘जाँड’ भन्ने हुन्छ । जुन जाँड यहाँ नेपाल सरकार मातहत रहेको सरकारले अवैध भन्दै जबरजस्ती पोखाइदिने काम गरेको छ । हामी कसरी व्यवसायीकरणतिर जाने भन्ने सोचमा भन्दा पनि शास्त्रीय चिन्तनमा आधारित रहेर कानुनको व्याख्या गरिरहेका हुन्छौँ । त्यसैले नेपालमा बस्ने धेरैले हङकङबाट ‘छ्याङ’ मगाएर खानु परिरहेको छ ।

नेपालको संविधान २०७२ ले आप्mनो प्रस्तावनामा ‘बहुजातीय, बहुभाषिक, बहुधार्मिक, तथा भौगोलिक विविधतायुक्त विशेषता’ स्वीकार गरेको छ । यसैगरी संविधानको धारा १ को उपधारा १ मा ‘यो संविधान नेपालको मूल कानुन हो । यो संविधानसँग बाझिने कानुन बाझिएको हदसम्म अमान्य हुनेछ ।’ भनेर लेखिएको छ ।

संविधानको प्रस्तावना र धाराको आशय हो बहुलतालाई स्वीकार र कानुनमा जे उल्लेख भए पनि संविधानसँग बाझियो भने वा विपरीत भयो भने बाझिने कानुन खारेज हुन्छ ।

संविधानले नै बाझिने कानुन खारेज हुन्छ भनेपछि अब प्रहरीहरूको ध्यान कसले गाई काट्यो ? कसले गोरु काट्यो भनेर चियोचर्चाे गर्ने भन्दा पनि संविधानको मर्मलाई सम्मान गर्दै ‘समृद्धि’ को यात्रालाई सहजीकरण गर्नेतर्फ लाग्न आवश्यक छ ।

संविधानले व्याख्या गरिदिएको अधिकारलाई शास्त्रीय ढङ्गले कानुनको मात्र व्याख्या गर्ने हो भने त्यसले कालान्तरमा द्वन्द्व निम्त्याउँछ । तसर्थ, हामीले ‘बिफ’ लाई द्वन्द्व बढाउने माध्यम बनाउने कि आर्थिक समृद्धिको माध्यम बनाउने ? निर्णय हामीले नै गर्नुपर्ने चरणमा उभिएका छाँै ।
[email protected]



प्रतिक्रिया दिनुहोस

गायक प्रमोद खरेलको आवाजमा ‘प्रेमको चिनो’ (भिडियो सहित)

इटहरीः सुगम संगीतमा निकै रुचाइएका गायक प्रमोद खरेलको आवाजमा रहेको ‘प्रेमको चिनो’ को म्यु ...

एनएमबी बैंकको तरहरा शाखाका पाँच कर्मचारीमा कोरोना पुष्टि, बैंकको सेवा बन्द

इटहरीः कर्मचारीमा कोरोना संक्रमण पुष्टि भएपछि सुनसरीको इटहरी उपमहानगरपालिका २०, तरहरास्थित एनएमबी बै ...

सडक विस्तारका लागि गएको डोजरमा तोडफोड, प्रहरीद्वारा कारबाही गर्न आनाकानी

इटहरीः मोरङको पथरीशनिश्चरे नगरपालिका ५ मा सडक विस्तारका लागि नगरपालिकाले परिचालन गरेको डोजरमाथि स्था ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved