प्रदेश १ को पर्यटन क्षेत्रमा ‘ठमेल’ बन्यो मोरङको बलिया

  • भदौ १५, २०७५
  • ६७३१ पटक पढिएको
  • प्रदेश पोर्टल
alt


मोरङः ४ वर्ष अगाडिसम्मको गुमनाम मोरङको सुन्दरहरैंचामा पर्ने बलिया क्षेत्र अहिले पूर्वकै व्यस्त पर्यटकीय थलो भएको छ ।
२०७१ सालमा तत्कालीन सुन्दरदुलारीको वडा नम्बर ११ को बलियामा गोकुलम रिसोर्ट सञ्चालनमा आयो । स्थानीय राधेश्याम पौडेलले खोलेको गोकुलममा रहेका कलाकृति तथा त्यहाँ रहेको पोखरीमा सञ्चालित बोटिङले पूर्वका थुप्रै आगन्तुकलाई तान्न थाल्यो ।
पिकनिक खानेदेखि घुमघामका लागि गोकुलम आउनेको क्रम बढ्न थाल्यो । अहिले त गोकुलमबाट २ सय मिटर उत्तरमा गोकर्ण रिसोर्ट निर्माण भएसँगै बलियामा चलहपहल बढेको स्थानीय शम्भु धमलाले बताए । कुनै बेला आफ्नो घरको ठेगाना भन्नुपर्दा इटहरीपारी भन्ने गरेकोमा आजकाल गोकुलम छेउमा घर छ भन्दा सजिलै मान्छेले चिन्ने गरेको धमलाले बताए ।
‘अझ अब लाखौं रुपैयाँको लगानीमा गोकर्ण रिसोर्ट पनि सञ्चालनको क्रममा छ । यसले अझ यहाँ चहलपहल बढाउनेछ ।’ गोकर्ण रिसोर्ट अगाडि घर भएका सामाजिक अभियानकर्मी धमलाले भने, ‘पहिलेपहिले कसैले नचिन्ने हाम्रो बलिया अब पूर्वाञ्चलको ‘ठमेल’ भएको छ । यहाँ गोकुलम रिसोर्ट र गोकर्ण रिसोर्टसँगै अन्य सानातिना कटेज तथा होटल थपिने क्रम जारी छ ।’
साढे ५ बिघा क्षेत्रफलमा फैलिएको गोकुलम रिसोर्टमा दैनिक औसतमा ५ सय जना आगन्तुकहरू आउने रिसोर्टका सञ्चालकमध्येका सतिष पोखरेल बताउँछन् ।
साढे २ बिघा क्षेत्रफलको गोकर्ण रिसोर्टले पनि उत्तिकै मान्छे तान्ने कुरामा विश्वस्त छन् गोकर्ण रिसोर्टका म्यानेजर दीपक खड्का । बलियाकै प्रतिष्ठित व्यापारी रमेश आचार्यले निर्माण गरेको गोकर्ण रिसोर्टले पनि युवा तथा व्यावसायिक मानिसहरू तानिरहेको म्यानेजर खड्का बताउँछन् ।

maxresdefault
गोकुलम रिसोर्टका परिकल्पनाकार तथा सञ्चालक राधेश्याम पौडेल ६ करोडमा आफ्नो रिसोर्ट बनेको बताउँछन् । गोकर्ण रिसोर्ट १५ करोडको लगानीमा निर्माण भएको म्यानेजर खड्का बताउँछन् । ठूला लगानीका रिसोर्ट निर्माणले स्थानीय जग्गाको तथा सटरको भाउ समेत ह्वात्तै बढेको स्थानीय विमल दाहालले बताए ।
‘१ वर्ष अघिसम्म पनि हाम्रो टोलमा भित्री सडकले छोएको ठाउँमा प्रतिधुर डेढ लाखमा घडेरी आउँथ्यो । तर, अहिले ३ लाख घटीमा आउनै छाड्यो’, गोकुलम रिसोर्ट छेउमा घर भएका दाहाल भन्छन्, ‘यहाँ रिसोर्ट बनेर दैनिक सयौंको सङ्ख्यामा मान्छेको चहलपहल बढेपछि सटर भाडा पनि २ हजार ५ सयबाट ६ हजारसम्म पर्न थालेको छ ।’
सीमावर्ती शहर इटहरीमा रहेको आफ्नो ड्राइभिङ सेन्टरको फिल्ड बलिया हुँदै बग्ने बुढी खोला किनारमा सञ्चालनमा ल्याएका बाबुराम प्रधान पनि बलियामा पछिल्ला २ वर्षमा रिसोर्ट र होटल निर्माणले गर्दा परिचय नै फेरिएको बताउँछन् ।
‘पहिलेपहिले सधँै झगडाले मात्रै नाम आउने बलिया अब पर्यटकीय गन्तव्य भनेर चिनिन थालेको छ’, कोशी ड्राइभिङ सङ्घका अध्यक्षसमेत रहेका प्रधान भन्छन्, ‘पहिलेपहिले यहाँका मान्छे रमाइलो गर्न इटहरी जान्थे । अहिले इटहरीका मान्छे यता आउँछन् । निजी क्षेत्रले निर्माण गरेका पर्यटन पूर्वाधारका कारण यहाँ भीडभाड बढेको छ । घुमघाम गर्ने र पिकनिक खान आउनेहरूको भीडले बलिया क्षेत्र पूर्वको ठमेलजस्तै भएको छ ।’

प्रतिक्रिया दिनुहोस

बैशाखमा राष्ट्रिय खे ...

झापाः युवा तथा खेलकुदमन्त्री जगतबहादुर विश्वकर्माले आठौँ राष्ट्रिय खेलकुद प्रतियोगिता अगामी वैशाखमा ...

विप्लव नेतृत्वको नेक ...

सोलुखुम्बुः नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीमा आबद्ध रहेको आश ...

भोजपुर–विराटनगर उडान ...

भोजपुरः नेपाल वायु सेवा निगमको भोजपुर–विराटनगर उडान सेवा बन्द भएको छ । मौसम प्रतिकूल भएकाले ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
  • महाप्रबन्धकः बद्री भिखारी
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक संवाददाताः विनय बाह्रकोटी
  • स्थानीय सरकार/कानुन संवाददाताः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी

Copyright © 2018 / 2019 - pradeshportal.com All rights reserved