पथरीः मोरङको पथरीशनिश्चरे नगरपालिका वडा नम्बर १० शिविर डाँडामा आज बिहान ९ बजे बस र बोलेरो जीप एकापसमा जुध्दा १ जनाको मृत्यु भएको छ । उनको पहिचान हुन सकेको छैन । सो दुर्घटनामा १८ जना घाइते भएका छन् ।
पथरी बजारदेखि लगभग २ सय मिटर पश्चिम पथरी खोला नजिकै पूर्वतर्फ आउँदै गरेको को १ ख ४८४२ नम्बरको बस र पश्चिम जाँदै गरेको मे १ च ५३९१ नम्बरको बोलेरको एकापसमा ठक्कर खाएका थिए । ठक्करपछि बस अनियन्त्रित भई सडमा पल्टिएको थियो । पल्टिएको बसले च्यापिरहेको अवस्थामा ३ जनाको उद्धार गरिएको प्रहरीले जनाएको छ ।
बसमा कति यात्री थिए भन्ने यकिन हुन नसकेको इलाका प्रहरी कार्यालय पथरीले जनाएको छ । गम्भीर घाइते ३ जनालाई थप उपचारका लागि विराटनगरको नोबेल अस्पताल लगिएको र अन्यको पथरीमा उपचार भइरहेको प्रहरीले जनाएको छ ।
_1720278409.jpg)
