एशियाली लेखक सम्मेलनमा नेपालबाट दुई कवि सहभागी

  • भदौ १७, २०७६
  • १३८ पटक पढिएको
  • प्रदेश पोर्टल
alt

इटहरीः बुधबारदेखि शुक्रबारसम्म काजकिस्तानको राजधानी नुर सुल्तानमा हुने एशियाली लेखक सम्मेलनमा नेपालका तर्फबाट प्राध्यापक डाक्टर तथा वरिष्ठ साहित्यकार अभि सुवेदी र साहित्यकार सुमन पोखरेल सहभागी हुने भएका छन् ।

डाक्टर सुवेदी काठमाडौंमा बसेर नेपाली तथा अङ्ग्रेजी साहित्यमा निरन्तर कलम चलाउँदै आएका छन् । पोख्रेल प्रदेश १ को राजधानी विराटनगरमा बसेर नेपाली तथा अङ्ग्रेजी साहित्यमा अनवरत रूपमा लागिरहेका छन् ।

विश्व प्रसिद्ध जापानी लेखक हारुकी मुराकामीदेखि सन् २००६ को नोबेल साहित्य पुरस्कार प्राप्त टर्किस लेखक ओरान पामुख उपस्थित हुने सो सम्मेलनमा नेपालबाट कविद्धय सुवेदी र पोखरेल सहभागी हुने भएका हुन् ।

कार्यक्रमको लागि सुवेदी र पोखरेल मङ्गलबार बिहान टर्किस एयरलाइन्सबाट काजकिस्तान जाँदैछन् । सहभागी कवि पोखरेलका अनुसार नेपालदेखि काजकिस्तान सिधा हवाई रुट नभएकाले टर्कीको इस्तानबुल ट्रान्जिट बनाएर ११ घण्टाको यात्रापछि काजकिस्तानको कार्यक्रममा पुगिनेछ ।

‘त्रिभुवन अन्तर्राष्ट्रिय विमानस्थलबाट इस्तानबुल करीब ८ घण्टामा पुग्छौँ’, सन् २०१३ र १५ मा दुई सार्क साहित्य पुरस्कार समेत पाएका कवि पोखरेलले भने, ‘त्यहाँबाट काजकिस्तानको राजधानी नुर सुल्तान ३ घण्टा गरेर ११ घण्टामा हामी कार्यक्रम स्थलमा पुग्ने हाम्रो तालिका रहेको छ ।’

केन्द्रीय एशियाली देश काजकिस्तानमा आयोजना हुने ‘एशियाली देशका लेखकहरूको पहिलो मञ्च’ नामक कार्यक्रममा सुवेदी र पोखरेल सहभागी हुने भएका छन् । उनीहरू दक्षिण एशियाको प्रतिनिधित्व गर्दै मञ्चमा सहभागी हुने भएका छन् ।

सन् १९९७ को बुकर पुरस्कार विजेता भारतीय लेखक अरुन्धती रोयसँगै सुवेदी र पोखरेललगायतका विभिन्न १२ लेखकहरूले दक्षिण एशियाको प्रतिनिधित्व गर्दैछन् ।

सुवेदीले कार्यपत्र तथा कविता प्रस्तुत गर्ने कार्यक्रममा कवि पोखरेलले भने कविता र वक्तृत्वको सेसन रहेको छ । एशियाका ४४ देशका २ सय ६० लेखकहरू उपस्थित हुने कार्यक्रममा विश्वभरबाट १ हजार ५ सय साहित्यिक पाहुनाहरू उपस्थिति हुने आयोजकले आफ्नो आधिकारिक वेबसाइट एसियन लिट फोरम डट केजेडमा उल्लेख गरेको छ ।

काजकिस्तान लेखक सङ्घको ८५ औँ वर्षगाँठको अवसरमा कार्यक्रमको आयोजना भएको आयोजकले बताएको छ । कार्यक्रमलाई काजकिस्तानका राष्ट्रपति, काजकिस्तानको संस्कृति तथा खेलकुद मन्त्रालयले सहयोग गरेको आधिकारिक वेबसाइटमा जानकारी गराइएको छ ।

एशियाली लेखक मञ्चको कार्यक्रममा सहभागिता भएपछि एशियाली कला, साहित्य र लेखको बारेमा प्रत्यक्ष जानकारी हुने कवि पोखरेल बताउँछन् । उनी भन्छन्, ‘यस्तो महादेशीय साहित्य मेलाले एशियाली साहित्य र साहित्यकारको प्रत्यक्ष अनुभवसँगै यस्ता इभेन्ट नेपालमा पनि कसरी गर्ने भन्ने बारेमा अनुभव हुनेछ ।’

प्रतिक्रिया दिनुहोस

सिलिचोङका सबै वडामा ...

खाँदबारीः अरुणपारिको दुर्गम मानिएको सङ्खुवासभाको सिलिचोङ गाउँपालिकामा अहिलेसम्म केन्द्रीय प्रसारण ला ...

इलामको सन्दकपुरमा हि ...

  इलामःइलाम जिल्लाकै उच्च क्षेत्र मानिने पर्यटकिय क्षेत्र इलामको सन्दकपुरमा हिउँ परेको छ । सन् ...

पाँच हजार शिक्षक भर् ...

मोरङःअङ्ग्रेजी भाषाको नाममा नेपाली भाषालाई कमजोर बनाउन नहुने बताउँदै नेपालमा पहिलोपटक शिक्षा नीति बन ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved