गुणस्तरीय शिक्षा दिँदै मोरङका सामुदायिक विद्यालय

  • भदौ २६, २०७६
  • ७१८ पटक पढिएको
  • उत्तम पोख्रेल
alt

बेलबारीः सरकारले शिक्षामा गरेको लगानी ओरालो लागेको भन्दै चिन्ता बढिरहेको बेला केही सामुदायिक विद्यालयहरूले शैक्षिक गुणस्तर ल्याउने खालका गतिविधि देखाउन थालेका छन् ।

निजी विद्यालयप्रति अभिभावकको आकर्षण बढ्न थालेपछि शिक्षकहरू समेत चिन्तित हुन थालेका थिए । केराबारी गाउँपालिका वडा नम्बर ९ को बुद्ध माध्यमिक विद्यालयले शैक्षिक गुणस्तर बढाउनका लागि प्रत्येक कक्षामा सीसी क्यामरा जडान गरेको छ भने पुस्तक कुनासमेत स्थापना गरिसकेको छ । कृषि सङ्ग्रहालय स्थपना गर्ने नीतिसमेत विद्यालयले अगाडि सारेको छ ।

‘विद्यार्थीहरूले आधुनिक यन्त्र मात्रै चिन्छन्’, विद्यालयका प्रधानाध्यापक छविलाल धमलाले भने ‘पहिलाका हलो, कुटो, कोदाले, डोको हँसियालगायतका सामग्री चिन्दैनन् ।’ पुराना सामग्रीहरू राखेर कृषि सङ्ग्रहालयको स्थापना गरिनेसमेत उनले बताए ।

‘कृषिप्रधान देश भनेर हामी भन्छाँै,’ उनले थपे, ‘विद्यार्थीले नै हलो, कुटो, कोदालो चिन्दैन । परम्परागत खेतीदेखि आधुनिक खेतीम्म चिनाउने गरी सङ्ग्राहालयको स्थापना गर्न खोजिएको उनले बताए ।

२०३७ सालमा स्थापना भएको सो विद्यालयमा हाल ५ सय बढी विद्यार्थी रहेका छन् । पढाइको गुणस्तर बढाउँदै लान थालेपछि निजी विद्यालय छाडेर पढ्न आउन थालेको प्रअ धमलाले बताए । कक्षा १० सम्म पढाइ हुने बुद्ध माविमा माध्यमिक तहको दरबन्दी ४ जनाको भए पनि दरबन्दीअनुसारका शिक्षक भने प्रअ धमाला मात्रै हुन् । अन्य ३ जना भने विद्यालयको आन्तरिक स्रोतबाट तलब भत्ता दिने गरी नियुक्त गरिएको छ ।

दरबन्दीअनुसार शिक्षकको व्यवस्था सरकारले यसै वर्ष गरेमा आउँदो शैक्षिक सत्रदेखि कक्षा ११ र १२ समेत सञ्चालन गर्न सकिने विद्यालय व्यवस्थापन समितिका अध्यक्ष भुपाल कार्कीले बताए । अहिलेसम्म ३ जना शिक्षकलाई सामुदायिक वन तथा स्थानीयसँगको सहकार्यमा तलब खुवाएको उनले बताए ।

निजी विद्यालय भन्दा सामुदायिक विद्यालयप्रतिको अभिभावकको आकर्षण बढाउन पढाइको गुणस्तरलाई बढाउनुपर्ने केराबारी ९ का वडाध्यक्ष भुपतिन्द्रप्रताप मल्ल बताउँछन् । केराबारी–९ मा मात्रै ४ ओटा निजी विद्यालय रहेका छन् ।

बेलबारी नगरपालिका वडा नम्बर ११ मा रहेको लक्ष्मी माध्यमिक विद्यालयका प्रधानाध्यापक गोविन्द भण्डारी विद्यार्थीलाई चमेना गृहमा गएर आफैँ खाजा खुवाउने गर्छन् । उनी दिउँसो १ बजेदेखि १५ मिनेटसम्म चमेना गृहमा गएर आफैँ विद्यार्थीलाई खाजा बाँड्ने गर्छन् ।

प्रअ भण्डारीका अनुसार विद्यालयले आइतबार हलुवा, सोमबार दूध र बिस्कुट, मङ्गलबार खिचडी, बुधबार खीर र बिहीबार पास्ता खुवाउने गरेको छ । शुक्रबार भने आधा समयमात्रै पढाइ हुने हुनाले खाजा दिइँदैन । खाजाले विद्यार्थीको आकर्षणसमेत बढ्ने गरेको उनले बताए । उक्त विद्यालयमा निजी विद्यालय छाडेर विद्यार्थीहरू पढ्न आएका छन् । १ सय १५ जना भन्दा बढी विद्यार्थी अन्य विद्यालयबाट आएको प्रअ भण्डारीले बताए ।

पछिल्लो समय शिक्षामा गरेको लगानीले केही सामुदायिक विद्यालयमा सुधार भएको देख्न सकिन्छ । प्रविधिको प्रयोगसमेत सामुदायिक विद्यालयले बढाउन थालेका छन् । कम्प्युटर कक्षादेखि प्रोजेक्टरको प्रयोगसमेत प्रयोग गर्न थालेका छन् ।

यता, बेलबारी नगरपालिकाले पनि सामुदायिक विद्यालयको पठनपाठनको गुणस्तर बढाउन कुनै पनि कसर बाँकी नराख्ने निर्णय गरेको बेलबारीका मेयर ज्ञानेन्द्र सुवेदीले बताए । नगरभित्रका प्राज्ञिक व्यक्तिहरूलाई समेटेर नगरपालिकाले सिल्भर भोलेन्टेरियस कार्यक्रम समेत लागू गरेको बताए । विद्यालयमा शिक्षक बिदामा बस्दा समेत पठनपाठनमा अवरोध नआउने मेयर सुवेदीको भनाइ छ ।

प्रतिक्रिया दिनुहोस

पहिलो पाइलाको आयोजना ...

इटहरीः संविधान दिवसको अवसर पारेर पहिलो पाइला नेपाल सुन्दरहरैंचा शाखाले आज नगरव्यापी माविस्तरीय वक्तृ ...

संविधान दिवसको अवसरम ...

इटहरीः सामाजिक सेवाका लागि युवा अभियान (वाइएसएस) नेपाल सुन्दरहरैंचाले सुन्दरहरैंचा ७ को गोठगाउँ चोकम ...

धरानमा भोलिबाट पर्यट ...

धरानः ‘सहभागी बनौँ, अवलोकन गरौँ’ भन्ने नारासहित शनिवारबाट धरानमा तीन दिने इस्ट टुरिजम मा ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved