इटहरीः जनता माध्यमिक विद्यालय इटहरीका पूर्व विद्यार्थीले अहिले केही समयपछि हाल अध्ययनरत विद्यार्थीलाई छात्रवृत्ति प्रदान गर्दै छन् ।
सो स्कुलको २०४६ सालको ब्याच (२०४६ सालमा एसएलसी दिने) का विद्यार्थीले अहिले केही बेरमा १ लाख १ हजार ४ सय रुपैयाँ बराबरको छात्रवृत्ति प्रदान गर्ने विद्यालयका पूर्व विद्यार्थी संजोग पराजुलीले जानकारी दिएका हुन् ।
विद्यालयका पूर्व विद्यर्थी तथा छात्रवृत्ति वितरण कार्यक्रमका संयोजक बाबुराम प्रधानका अनुसार कक्षा १ मा अध्ययन गर्ने विद्यार्थी रिया सहनीका लागि पूर्व विद्यार्थी शुभलक्ष्मीले ६ हजार ५ सय रुपैयाँ छात्रवृत्तिस्वरूप प्रदान गर्ने भएकी छिन् ।
त्यस्तै कक्षा २ मा अध्ययनरत रोहन शाहलाई पूर्व विद्यार्थी शान्ति सुवेदीले ७ हजार रुपैयाँ प्रदान गर्ने भएका छन् । कक्षा ३ मा अध्ययन गर्ने फूलमाया तामाङलाई प्रीति खनालले ७ हजार ५ सय रुपैयाँ र कक्षा ४ का विद्यार्थी गगन शर्मालाई गणेश अधिकारीले ८ हजार १ सय रुपैयाँ प्रदान गर्ने भएका छन् ।
कार्यक्रममा कक्षा ५ का विद्यार्थी सपना दास, कक्षा ६ की विद्यार्थी स्मृति मल्लिक र कक्षा ७ का विद्यार्थी सुशान्त ढकाललाई छात्रवृत्ति दिइने भएको छ । उनीहरूलाई पूर्व विद्यार्थीहरू पवित्रा बजगाईं, सुदेशा बिष्ट र राकेश चौधरीले क्रमशः नगद ८ हजार ८ सय, ९ हजार ५ सय र १० हजार ३ सय रुपैयाँ प्रदान गर्ने भएका हुन् ।
कक्षा ८ का विद्यार्थी सिद्धान्त ढुङ्गेललाई पूर्व विद्यार्थी भाइसन बर्देवाले र कक्षा ९ की विद्यार्थी जेनिसा मिश्रलाई पूर्व विद्यार्थी उमेश पौडेलले क्रमशः ११ हजार २ सय र १२ हजार ५ सय रुपैयाँ प्रदान गर्ने भएका छन् ।
त्यस्तै, ०४६ सालको ब्याचका सम्पूर्ण विद्यार्थीको तर्फबाट कक्षा १० का विद्यार्थी बेगमकुमार चौधरीलाई एकमुष्ट २० हजार रुपैयाँ प्रदान गरिने पूर्व विद्यार्थी पराजुलीले बताए । 
_1720278409.jpg)
