कोरोना प्रकोपमा हाम्रो पत्रकारिता

  • बैशाख १, २०७७
  • ११७४ पटक पढिएको
  • सन्तोष आचार्य
alt

भित्तामा क्यालेण्डर फेरिएका छ तर दिनचर्यामा भने कुनै परिवर्तन आएको छैन । गएको ११ गतेदेखि लगातार लकडाउन छ । गृहबन्दी जस्तो अवस्थामै भए पनि सम्बत परिवर्तन भएको अर्थात नयाँ वर्षको प्रारम्भको अवसरमा सम्पूर्ण पाठक तथा प्रिय जनप्रति कोरोना भाइरस विरुद्ध लड्ने सामथ्ग्र्य प्राप्त होस् भन्ने हार्दिक शुभकामना व्यक्त गर्दछु ।
कोरोनाको प्रकोपः
गत डिसेम्बर ३१ तारिखका दिन दिउँसो १ बजेर ३८ मिनटमा चिनको औद्योगिक शहर वुहानको मासु बजारमा कोरोना भाइरस पहिलो पटक देखा पर्यो । त्यस पछि ९ जनवरी २०२० मा कोरोना भाइरसको संव्रmमणका कारण ६१ वर्षिय व्यक्तिको पहिलो पटक मृत्यु भयो । यो मृत्युसँगसँगै चिनको वुहानमा हज्जारौको संख्यामा संव्रmमण देखिसकेको थियो । चिनले नियन्त्रणको प्रयास तुरुन्तैदेखि थाल्यो । जनवरी १३ मा पहिलो पटक कोरोना भाइसर चिन बाहिर देखियो । थाइल्याण्डको बैंककमा एक जना ६१ वर्षिय व्यक्तिमा कोरोना भाइरस देखिए पछि यसले विश्व सयर गर्न थालेको पुष्टि भयो । यसबेलासम्म यो भाइसर कसरी सरिरहेको छ भन्ने पत्तो लागेको थिएन । जनवरी २० मा बल्ल यो भाइरस मान्छेबाट मान्छेमा सर्छ भन्ने पुष्टि भयो । त्यस पछि के भयो त्यो तपाई हामी सबैले व्यहोरी रहेका छौं । कोरोना भाइरस अर्थात कोभिड–१९ रोगका कारण आज विश्व आक्रान्त छ । महामारीको इतिहासमा यो यस्तो देश्यान आइपर्यो कि विश्वका अधिकांश देशहरु स्तब्ध छन् । यस अघि यो मात्रामा कुनै पनि हैजाले विश्वलाई यति आतंकित गरेको थिएन ।

मानिसहरुको मृत्युको आँकडालाई आधार मान्ने हो भने यसअघिनै विभिन्न खाने पेन्डामिक (हैजा) का कारण विश्वमा २० करोड भन्दा बढि मानिसको मृत्यु भइसकेको तथ्यांक छ । छैठौं र चौधौ सताब्दीमा प्लेगबाट र १९१८÷१९१९ मा स्पेनिस फ्लुबाट मर्नेको संख्या हालसक्मकै ठुलो संख्या मानिन्छ । त्यस पछि इबोला, मार्स, जस्ता भाइरसबाट हुने हैजाहरुका कारण पनि धेरै मानिसको मृत्यु भइसकको छ । मानव सभ्यतामाथिकै सबै भन्दा ठुलो संकटका रुपमा यतिबेला विश्वमा कोरोना भाइरस मडारिरहेको छ । गएको तीन महिनाभित्र कोरोना भाइरसका कारण १ लाख १५ हजार भन्दा बढिले ज्यान गुमाइसकेका छन् । विश्वका २ सय भन्दा बढि देशहरु यो भाइरसबाट प्रभावित भएका छन् । अधिकांश देशहरु लक डाउनको अवस्थामा छन् । एउटा देशबाट अर्को देश आवतजावत ठप्प छ ।

दुनियाँका मानिसहरु सबै आफ्नै घर भित्र कैदी जस्तो जीवनमा बन्धित छन् । मान्छेबाट मान्छेमा सर्ने यो भाइरसका कारण जनजीवन दैनन्दिन कहाली लाग्दो बन्दै गइरहेकोछ । मानिसहरु एक आपसमा भेटघाट नगर्ने, नछुने, टाडै र गुप्त बस्नु पर्ने भएको छ । यसका लागि सामाजिक र भौतिक दुरी कायम गर्न विश्व स्वास्थ्य संगठनले आव्हान नै गरेको छ । यति हुँदा हुँदै पनि आजसम्म आइपुग्दा कोरोना भाइरस विश्वमा १८ लाख भन्दा बढिलाई सक्रमण भइसकेको छ । संक्रमण हुने व्रmम तिब्र छ । दुनियाँका शक्तिशाली भनिएका देशहरु त्राहिमान बनेका छन् । पुरै युरोप धरासायी बन्दै छ ।

ac65badd51fa2ee06740c4272424c6481585731620

 

महाशक्ति राष्ट्र अमेरिका के गर्ने र कसो गर्ने भन्ने अवस्थामा पुगेको छ । कोरोनाको उद्भव चिनले संक्रमणलाई केहि हदसम्म नियन्त्रण गरेको देखिन्छ । त्यहाँ केहि दिनदेखि मृत्यु हुनेको संख्या नियन्त्रणमा छ । अन्य देशहरुले भने नियन्त्रण गर्न सकिरहेका छैनन् । इटाली, इरान, स्पेन, फ्रान्स, बेलायत जस्ता देशहरुले ठुलो संकट व्यहोर्नु परिरहेको छ । पछिल्लो समय छिमेकी देश भारत पनि पुरै लक डाउनमा छ । १ अर्व २५ करोडको आवादी भएको भारतमा कोरोना भाइरस नियन्त्रण बाहिर गयो भने अकल्पिनिय जोखिम हुन सक्छ । यसको प्रत्यक्ष प्रभाव नेपाललाई पर्ने छ । हालसम्म १३ जनामामात्र देखिएको संक्रमण अकल्पनिय रुपमा बढ्न सक्ने सम्भावना छ । हाम्रो जस्तो देशमा संक्रमण बढ्यो भने हाम्रा लागि इतिहासमै सबै भन्दा ठुलो दूर्दिन सुरु हुने छ । अन्त्य कसरी हुन्छ त्यसको अनुमान गर्न सकिने अवस्था छैन ।
पत्रकारितामा प्रभावः
कोरोना भाइरस सुरु भएको १०० दिन पूरा गर्दैगर्दा नेपाल पूर्णरुपमा ठप्प भएको २१ औ दिन पुगेको छ । यसरी नै विश्वका अधिकाँश देशहरु निरन्तर ठप्प छन् । यो बेला आम नागरिकहरुलाई सूचना प्रवाह गरिरहेका छन् विद्युतीय माध्यमहरु जसलाई इलेक्ट्रोनिक्स मिडिया (इ–मिडिया) पनि भनिन्छ । छापा माध्यम अर्थात प्रिन्ट मिडिया (पी–मिडिया) भने करिब करिब बन्द जस्तै छन् । भाइरस सर्ने आशंकाका कारण मानिसहरुले कुनै वस्तु या सेवामार्फत कसैसँग पनि संसर्ग गर्न चाहिरहेका छैनन् । त्यस मध्ये पत्रिका प्रकाशन र वितरणको जुन प्रकृया हो त्यो यस्तो बेलामा अपत्यारिलो जटिलतामा फसेको छ । जसका कारण अकल्पनिय संकटको सामना गर्नु परेको छ । कोरोना भाइरस प्रभावित देशहरुका अधिकांस पत्रिकाहरु अवस्था उस्तै छ । प्राय सबै बन्द नै भएका छन् । नेपालमा पनि छापा पत्रकारिता करिब करिब बन्दै छ । झापाका पनि प्राय सबै पत्रिका बन्द छन् । बन्द हुनुका धेरै कारण होलान । त्यसमध्ये मुख्यत दुई वटा कारणका बारेमा यहाँ चर्चा गरिने छ ।
पहिलो कारण हो लक डाउन । लकडाउनमा कहि कतै कसैलाई पनि हिडडुल नगर्न सरकारले आव्हान गरेको छ । सरकारी निर्देशनका पालना गर्दा कोहि पनि हिडडुल गर्न पाइरहेका छैनन् । एक प्रकारको करफ्यु जस्तै भएको छ । यो दिनदिनै झनझन कडा हुँदै गइरहेको छ ।
दोस्रो कारण हो रोग संक्रमणको त्रास । दोस्रो कारणले बढि प्रभाव पारेको देखिन्छ । कफ्र्यु मात्र हुँदा त पत्रिका प्रकाशन र वितरणमा रोक लाग्दैन थियो । तर, भाइरस संव्रmमणको जोखिम हुने भनेपछि चाहि यो जोखिम मोल्न पाठक स्वयम् तयार छैनन् । यो घटनाले पत्रिकाको जीवनलाई ठुलो संकटमा पारेको छ । यसै पनि छापा पत्रकारिता सूचना प्रविधिको चुनौति झेलिरहेको थियो । प्रतिस्प्रधात्मक बजारमा आफुलाई जसो तसो टिकाइरहेको थियो । कोरोना प्रकरण पछि भने यसको प्रभावकारिता र निरन्तरतामाथि चुनौति थपिएको छ । यो बेला आम नागरिकलाई सूचना प्रवाह गर्ने पहिलो माध्यमका रुपमा टेलिभिजन च्यानलहरु, अनलाईन न्युजपोर्टलहरु, युट्युब च्यानलहरु र सामाजिक सञ्जाल छन् । यो सूचिमा पत्रिकाको उपस्थिति नगन्य छ ।

social-media-marketing-service-in-Nepal

 

आम नागरिकलाई सूचना प्रवाह गर्नु पर्ने संवेदनशील समयमा आफु बन्द भएर बस्नु पर्दाको पीडा यतिबेला दैनिक पत्रिकाहरुले व्यहोरी रहेका छन् । आम नागरिकलाई सूचना प्रवाह गर्ने हुटहुटीले पत्रिकाहरुले आफ्ना अनलाइन संस्करण विकास गरिरहेका छन् । यसो भन्नु भनेको पत्रिका भन्दा अनलाइन संस्करणहरु प्रभावकारी हुँदै गइरहेका छन् भन्नु नै हो ।  कोरोना भाइरसको संक्रमण अवधि र त्यस पछिको समयमा हाम्रो पत्रकारिताले मुलत दुई खाले समस्या झेल्नु पर्ने हुन सक्छ । एउटा, पाठकको रुची र बानीमा आउने परिवर्तनको प्रभाव र अर्को पत्रिकाको बाजर र विज्ञपानमा पर्ने नकरात्मक प्रभाव । मुलत पत्रिकाका पाठकको रुची र बानीमा आउने परिवर्तनले छापा पत्रकारितासँगै अन्य पत्रकारितालाई समेत प्रभाव पार्ने छ ।

सूचना प्रविधिको विकाससँगै सामाजिक संञ्जालले आम नागरिकलाई सूचनाको सहज पहूँचमा पुर्याइदिएको छ । कुनै बेला सूचनाको पहिलो स्रोत पत्रकार हुने गर्दथे । हिजोआज सामाजिक सञ्जालले यो स्थान लिन थालेको देखिन्छ । अर्थात आम नागरिकले पहिला सूचना दिन्छन् र त्यसपछि पत्रकारले समाचार बनाउन थालेका छन् । सामाजिक सञ्जालमा आएका विषय र स्रोतहरुको पुष्टिका लागि मात्र मानिसहरुले आम सञ्चारलाई उपयोग गर्न थालेको देखिन्छ । कुनै पनि घटनाको सूचनाको कच्चा सामग्री फेसबुक या सामाजिक सञ्जालमार्फत पत्रकारले प्राप्त गर्न थालेका छन् । अमुक व्यक्तिको फेसबुकबाट प्राप्त भएको स्रोत सूचनाको व्याख्या, विष्लेषण र औपचारिकताका लागि मात्र अन्य सञ्चारमाध्यम हेर्न थालिएको छ ।

खास गरेर फेसबुके अभ्यासका कारण तत्काल सूचनामा पहुँच र छोटा छोटा वाक्यांशमा बानी परेका पाठकहरु अब कुनै सूचना या समाचारका लागि पर्खिएर बस्ने अवस्थामा छैनन् । त्यसमा पनि लक डाउनका कारण लामो समयसम्म बन्द जस्तै भएर बसेका दैनिक पत्रिकाहरु पढ्न नपाए पछि पाठकहरुले बिकल्प खोज्ने र बानीमा परिवर्तन आउन सक्ने सम्भावना देखिएको छ । हरेक विहान चियासँगै पत्रिका पढ्ने बानी भएका पाठकहरुको दिनचर्या बद्लिएको छ । यो क्रम बढ्यो भने पुन पुरानै अवस्थामा पाठक फर्कन सक्ने सम्भावना अन्त्यन्तै कम देखिन्छ । अर्थात पाठकको रुची र बानी परिवर्तन आइसक्नेछ । पत्रकारितामा पाठकको रुची र बानीको महत्वपूर्ण स्थान हुन्छ । जुन कोरोना भाइरसको संक्रमणअवधिमा उथलपुथल वा फेरबदल हुन सक्ने देखिन्छ । यस्तो अवस्थामा हाम्रो पत्रकारिताले ठुलो धक्का व्यहोर्नु पर्ने हुन सक्छ ।
दोस्रो कुरा हो पत्रिकाको विज्ञापन बजारको । कोरोना भाइरसका कारण विश्वका मै हुँ भन्ने देशहरु तहस नहस हुने अवस्थामा पुगेका छन् । सन्सार भर छरिएर रहेका नेपालीहरु यो बेला आफ्नो देश सम्झिएर रोइरहेका छन् । विभिन्न कारणले बैदेशिक रोजगारीमा रहेकाहरुले यसपछि रोजगारी गुमाउनु पर्ने हुन सक्छ । विश्व अर्थतन्त्रमा ठुलो उथलपुथल आउन सक्ने सम्भावना देखिन्छ । आज सम्पन्न भनिएका देशहरु कोरोना भाइरसको संक्रमण र लामो लकडाउनका कारण आर्थिक संकटमा पर्नेछन् । यस्तो बेला वैदेशिक रोजगारीमा भएकाहरुले रोजगार गुमाउने सम्भावना हुन्छ र उनीहरु नेपाल फर्कन बाध्य हुन्छन् । नेपालको अवस्था आजै राम्रो छैन । यो प्रकरण पछि झन ठुलो संकट आइपर्ने छ ।

एकातिर आर्थिक संकट चुलिन सक्ने देखिन्छ भने अर्को तिर पाठकहरुको रुची र व्यवहारमा परिवर्तन आएको हुनेछ । जब पत्रिकाका पाठकको रुची र बानी परिवर्तन हुन्छ भने स्वाभाविक रुपमा विज्ञापन बजार पनि बरिवर्तन हुन्छ । पाठकको रुची र बानीमा सञ्चारमाध्यमको प्रभावकारिता निर्धारण हुन्छ । यसैका आधारमा विज्ञापन बजारले आफ्नो उपस्थिति खोज्ने गर्छन् । योसँगै आर्थिक बजारमा आएको संकटले विज्ञापन बजारको अर्थशास्त्र तहसनहस भएको हुन्छ । केही प्रतिष्ठानहरु आर्थिक संकटको सामना गर्न नसकेर बन्द हुनु पर्ने अवस्था आउन सक्छ । धेरैको रोजगारी गुम्न सक्छ । ठुलो भनिएका वित्तीय संस्थाहरु समेत धरासायी हुन सक्छन् । कमजोर आर्थिक अवस्था भएका व्यवसायिक प्रतिष्ठानहरु टाँट पल्टन सक्छन् ।

tv-screen-wall78934870s

आम सञ्चारका लागि मेरुदण्डका रुपमा रहेको विज्ञापन बजार नै तहसनहस हुन सक्छ । फेरी पुरानै अवस्थामा फर्कन आर्थिक बजारलाई धेरै समय लाग्न सक्छ । यस्तो बेला एकले अर्कोलाई टिकाउन च्यारिटी गर्नु पर्ने हुन सक्छ । यतिबेला हाम्रा सञ्चार गृह र पत्रकारहरुले च्यारिटी गर्ने सामथ्र्य गुमाइसकेको हुन सक्छन् । धेरै विज्ञापन दाताहरुको चुल्हो चिसो भइसकोे हुन सक्छ । यो एउटा असाध्यै जटिल र कहाली लाग्दो अवस्था हो । यो अवस्थाले पत्रकारिता नराम्ररी प्रभावित हुने देखिन्छ । यो अवधिभर बन्द भएका सञ्चार गृहलाई पुन उठ्न निक्कै कठिन हुन सक्छ । हाल सञ्चालनमा रहेकाहरुले पनि नियमित प्राप्त गर्ने विज्ञापन गुमाउनु पर्ने हुनसक्छ । यस्तो बेला “एक पत्रकार एक अनलाइन” को अवस्थाबाट गुज्रदै गरेको हाम्रो पत्रकारितामा कुनै पनि सामुहिक नेतृत्वको सञ्चारमाध्यम जोखिममा पर्नेछ ।

सञ्चार गृहका लागि भन्दा पनि आफ्नै लागि समाचार लेख्ने र विज्ञापन खोज्ने प्रवृति बढ्दै गइरहेको बेलामा यो संकटले स्वाट्टै निल्न पनि सक्छ । यस्तो अवस्थामा आफ्नो झोलाको अनलाइनलाई पत्रकारले महत्व दिने प्रवृत्ति बढ्ने देखिन्छ । यो एउटा माकुराको नियती हो । यो नियतीबाट छापा पत्रकारितालाई बचाउन सक्नु आजको मुल चुनौति हो । यो चुनौतिको सामना गर्न हाम्रो पत्रकारिताले सामथ्र्य राख्न सक्नु पर्छ । त्यसका बारेमा छलफल र विमर्श सुरु गर्नु पर्छ । किनकी फेरी पनि समाजको असली रखवाला र समृद्ध नेपालको सम्वाहक स्वच्छ र स्वतन्त्र पत्रकारिता नै हो । र यसभित्रको समाचारको आधिकारिता र औपचारिक दस्तावेजीकरण चाहि छापा पत्रकारिता नै हो ।
उल्लेखित छलफलबाट छापा पत्रकारिताको भविश्य छैन त ? भन्ने जिज्ञासा उठ्न सक्छ । त्यस्तो होइन । अझै पनि छापा पत्रकारिताको भविश्यमाथि प्रश्न उठ्ने बेला भइसकोको छैन । बरु यसको प्रभावकारितामाथि भने प्रश्न उठ्न थालेको छ । यो भनेको पाठक के चाहन्छन् ? पत्रकार के लेखिरहेका छन् भन्ने विषय पनि हो । पाठकका रुची एकातिर पत्रिकामा समाचार अर्को तिर भएका कारण पनि यस्तो प्रश्न उठ्ने गरेको हो । त्यसमाथि कोरोना प्रकोपको बहुआमिक प्रभावले यसलाई झन प्रतिकुल बनाउन सक्छ ।

कोरोनाका कारण विश्व आर्थिक बजारमा पर्ने असर र पाठकका बानीमा आउने परिवर्तनले एक हदसम्म छापा पत्रकारितलाई संकटमा पारेको छ । यसबाट उठ्न पर्छ र फेरि आम पाठकहरुको मन जित्ने गरिका सेवा र सामग्री पस्कन थाल्नु पर्छ । यो बेला एउटा चिलले आफुलाई पुनर्जन्म दिन कुनै गुफामा बसेर चुच्चो ढुंगामा बजारी बजारीकन रगताम्मे भएर काचुली फेरे जस्तो कठिन समयमात्र हो । जीवन त अझै बाँकी नै छ । जबसम्म पुस्तक प्रकाशन र पठन पाठनको युग कायम रहन्छ तबसम्म छापा पत्रकारिताको आयु रहन्छ । तर यसका लागि पाठक रुची र उनीहरुको बानीमा आएको परिवर्तनलाई ध्यान दिन जरुरी छ । यस्तोबेला संकट पछिको चुनौतिपूर्ण अवसरका लागि पत्रकारिताले आफुलाई तयार राख्नु पर्दछ ।

1586235420

कोरोना प्रकोपमा पत्रकारका तीन कामः 
यो बेला हामी पत्रकारका पनि केही जरुरी काम र जिम्मेवारीहरु छन् । मुलतः कोरोना भाइरस विरुद्धको युद्धमा सबै भन्दा बढि जोखिममा स्वास्थ्यकर्मीहरु, सुरक्षाकर्मीहरु र सञ्चारकर्मीहरु रहेका छन् । यसमध्ये स्वास्थ्यकर्मी र सुरक्षाकर्मीहरुलाई राज्यले सम्बोधन गरेको छ । राज्यको सामथ्र्य अनुसार स्वास्थ्यकर्मी र सुरक्षाकर्मीहरुको सुरक्षाको कुरा राज्यको तर्फबाट हुने गर्छ र भइरहेको छ । तर, हामी अर्थात सञ्चारकर्मीहरु आफ्नै बलबुतामा, आफ्नै सामथ्र्यमा कोरोना विरुद्धको युद्ध लड्न मैदानमा छौं । यस्तो बेला कसैले पनि पत्रकारको सुरक्षाका बारेमा उत्ति महत्व दिएको देखिदैन । बरु समाचार संकलनका बेला दुव्र्यवहार भएको समाचारहरु सार्वजनिक भइरहेका छन् । एकातिर रोग संक्रमणको जोखिम, अर्को तर्फ सत्यतथ्य सूचना संकलनका जटिलता त्यसमाथि हुने दूव्र्यवहारका घटनाहरु र केहि अफवाहका कारण आइपुर्ने अपमानहरुलाई समेत हामीले व्यहोरिरहेका छौं । पत्रकारले यो बेला चौतर्फी आक्रमणको सामना गरिरहेका छन् । यस्तो बेला विगतमा कहिल्यै नव्यहोरेको संकटको हामी सामना गरिरहेका छौं । हामीले आफ्नै सामथ्र्य र बलबुतामा यो संकटको सामना गरिरहेका हौं । अरुखाले संकट र समस्याहरुको सामना त हामीले इतिहासमा गरेकै हो तर यो संकटका केही छुट्टै विशिष्टता छन् । त्यसकारण यो बेला पत्रकारले गर्नु पर्ने कामहरु पनि विगतको जसरी नभएर फरक ढंगले गर्नु पर्ने छ । त्यसका लागि पत्रकारले महत्वका साथ तीन काम गर्नु छ । पहिलो काम हो, व्यक्तिगत सुरक्षा व्यवस्थामा ध्यान दिने । किन भने यो कुनै राज्य व्यवस्था या विचारबाट उत्पन्न द्वन्द्व, आन्दोलन वा युद्ध होइन ।

जहाँ पत्रकारिताका विश्वव्यापी मान्यता र आदर्शका आधारमा प्रतिवाद र प्रतिरोध गर्न सकियोस् । यो त रोग संक्रमणको कुरा भएकाले यसमा व्यक्ति स्वयम् जिम्मेवार हुने भएकोले व्यक्तिगत सुरक्षालाई पहिलो सूचीमा राखेर काम गर्नु पर्ने हुन्छ । दोस्रो, परिवार र समुदायको सुरक्षामा विशेष चासो राख्ने र तेस्रो काम हो, सार्वजनिक खवरदारी सहित आम जनसमुदायलाई सुसूचित गर्ने । हामीले सधै गरिआएको कामलाई यहाँ मैले तेस्रो स्थानमा राख्नुका परेको छ । किनकी सबै कुरा जीवनका लागि हुन् । जीवनको सुरक्षा पहिलो दायित्व हो । तसर्थ सधै तीन नम्बरमा पर्ने बुँदा यतिबेला एक नम्बरमा छ र सधै एक नम्बरमा पर्ने बुँदा आज तीन नम्बर छ । त्यसकारण यो संकटका केहि विशिष्ट चरित्र छन् भनिएको हो । यो हिजो कहिल्यैको जस्तो अवस्था होइन अर्थात यो असामान्य अवस्था हो । यो अवस्थाको गाम्भीर्यलाई राम्ररी बुझेर यी जिम्मेवारीहरुलाई कुसलतापूर्वक निर्वाह गर्दै विश्वलाई त्राहिमान पारिरहेको कोरोना भाइरसलाई पराजित गर्न हामी सबै सफल बन्नु छ । मानव सभ्यतामा आइपरेको यो संकट सामना गर्ने सामथ्र्य हामी सबैलाई प्राप्त होस् । कोरोना विरुद्धको लडाईमा घरै बसौ र हात धोएर लागौं । समुन्न समाज निर्माणका लागि असल पत्रकारिताको विकाशमा यो वर्षले योगदान गर्न सकोस्, नयाँ वर्ष २०७७ सालको सुखद अवसरमा हादिक शुभकामना व्यक्त गर्दछु । तस्विर स्रोतः गुगल
                                                                                                                       (लेखक नेपाल पत्रकार महासंघ झापाका सचिव हुन्)

प्रतिक्रिया दिनुहोस

माछा मार्ने क्रममा नदीमा खसेर मृत्यु

इटहरीः संखुवासभाको मकालु गाउँपालिका ३ एकुवाफेदीमा अरुण नदीमा डुबेर एक जनाको ज्यान गएको छ । मृत्यु हु ...

बेडको उपलब्धता र उपचार पाउने भएपछि मात्र रिफर गर्न निर्देशन

काठमाडौँः स्वास्थ्य तथा जनसङ्ख्या मन्त्रालयले कोरोना भाइरसको सङ्क्रमण बढिरहेकाले सबै अस्पताललाई बेडक ...

गायक प्रमोद खरेलको आवाजमा ‘प्रेमको चिनो’ (भिडियो सहित)

इटहरीः सुगम संगीतमा निकै रुचाइएका गायक प्रमोद खरेलको आवाजमा रहेको ‘प्रेमको चिनो’ को म्यु ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved