राज्यको नजरमा पर्न नसकेको गल्फ खेल

  • असार ११, २०७७
  • ४९८ पटक पढिएको
  • खिलानाथ विश्वकर्मा
alt

धरानः अन्तराष्ट्रिय स्तरका पर्यटन भित्र्याउन, पर्यटकहरुलाई धेरै टिकाउन गल्फ खेलको निकै महत्व रहेको छ । नेपालका गल्फ खेलको शुरुवात १९६२ बाट भएपनि राज्यको नजर अहिलेसम्म पर्न सकेको छैन ।
गल्फ खेल पर्यटन भित्र्याउनमा खेलले महत्वपुर्ण भुमिका रहने भएपनि राज्यका तर्फबाट नितिगत रुपमा यसको विकासका लागी केही पहल नभएको धरान गल्प क्लवका सचिव जितेन्द्र राई वताउँछन । उनी भन्छन, –‘ हाइ प्रोफाइलका पर्यटक भित्र्याउन गल्फ महत्वपुर्ण छ ।’
के हो ? गल्फ खेल भन्ने विषयमा निकै अन्य खेलमा चासो राख्ने खेलाडीहरुको पनि अनविज्ञता छ । यो खेल राज्यको नजरमा पर्न नसक्नु पनि यस खेलको प्रभावकारीता विषयमा जानकारी नभएकोले हुन सक्ने क्लवका अध्यक्ष टिका राई वताउँछन ।
गल्फ खेलको बिश्वव्यापी नियमअनुसार एउटा गल्फ कोस १८ वटा हलहरुमा खेल्नुपर्दछ । प्रत्येक एक राउण्डमा प्रत्येक हलहरुमा खेल्नुपर्दछ । यो खेलको नियमअनुसार १८ वटा कोस भएपनि ९ वटामा पनि खेल्ने प्रचलन रहेको छ । गल्फको कोस नै प्रतिस्पर्धि भएकोले १ जना पनि खेल्न सकिन्छ भने नियमअनुसार ४ जना एक पटकमा खेल्नुपर्दछ । यदि १८ वटा हल कोसमा छन भने ।
गल्फ खेलको कोस (मैदान)मा ९ र १८ वटा हलहरु हुन्छन । बिश्वव्यापी मान्यता भने १८ वटा हल भएकोलाई मानिन्छ । प्रत्येक टि ग्राउण्डमा कानुनी टि क्षेत्र (Teeing Ground)  हुन्छन जसले केयर वे र अन्य १ खतरा देखाउँदछन जहाँ प्राकृतिक अथवा प्लाष्टिकको हरियो घाँस वा दुवो रहेको हुन्छ । गल्फ एक गेम खेल्न ९ वटा हलमा २ घण्टा लाग्छ भने १८ वटा हल भएकोमा ४ घण्टा लाग्छ । ९ वटा हल भएकोमा पुर्ण गेमको लागी २ पटक खेल्न सकिछ । खेल सुरुवात भएपछि गल्फरले टि ग्राउण्डबाट आइरन सेटले गल्फ वललाई हान्दछन । प्रत्येक हलबाट हान्दै जान्छन ।

IMG_20190223_142309
गल्फ खेलको ऐतिहासिक पृष्ठभुमि
गल्फ खेलको आधुनिक शुरुवात १५ औँ शताव्दीमा स्कटल्यण्डबाट भएको पाइन्छ । गल्फको ऐतिहासिक शुरुवात कहाँबाट भयो भन्ने कुरा अझै स्पष्ट हुन सकेको छैन । केहि इतिहासकारहरुले पेगनिकाको रोमन खेलमा यस खेललाई फेला पारेको भन्ने पाइन्छ । जुन खेलमा पनि खेलाडीहरुले छालाको वललाई प्रहार गर्न वन्ट स्किटको प्रयोग गर्दथे । इसापुर्वको प्रथम शताव्दीमा रोमीहरुले धेरै महाद्धिप कव्जा गरेर मुर्तिपुजक युरोप फैलिएपछि आधुनिक खेलको विकास भएको पाइन्छ ।

IMG_20190504_182047

नेपालमा गल्फ कोर्स
प्रदेश नं. १ सुनसरी धरानको बीपी कोइराला स्वास्थय विज्ञान प्रतिष्ठानमा रहेको नेपालको सबैभन्दा पुरानो गल्फ कोस हो । यो कोसमा १८ हल नै रहेको छ । यसवाहेक काडमाण्डौमा ३ वटा हलहरु रोयल गल्फ कोस, आर्मी गल्फ कोस, गोकर्ण गल्फ कोस, पोखराको हिमालयन गल्फ कोस र प्रदेश नं. ५ मा एउटा गल्फ कोस रहेका छन भने अहिलेसम्म ३ वटा प्रदेशमा भने एउटा पनि गल्फ कोस स्थापना हुन सकेका छैनन् ।
कहाँका गल्फर आउँछन धरान र दैनिक कति खेल हुन्छ ?
लकडाउन हुनुभन्दा पहिले सामान्य एक दूइ गेम हुने गरेको थियो । लकडाउन भएपछि त्यो पनि शुन्य भएको छ । सामाजिक स्तरवाट गल्फ कोसको व्यवस्थापन गर्दै आइएको थियो । जो खेल्न आउछन उनीहरुबाट केही चार्ज उठाएर गरिन्थ्यो अहिले त्यो नभएपछि व्यवस्थापन पनि भइरहेको छैन । धरानमा गल्फ खेल्नकै लागी एउटा टुर्नामेन्टमा जापनदेखी आएका छन । अन्य सिंङ्गपुर, हङकङ जर्मनी लगायतका ठाउँबाट पनि आएका छन । यो अवस्थामा यतिको गल्फर आउनु भनेको राम्रो हो । यसको व्यवस्थापन र प्रचार गर्न सके राम्रो अन्तराष्ट्रिय गल्फरहरु आउने सम्भावना रहेको वताउाछन गल्फर तथा धरान गल्फ क्लवका सचिव जितेन्द्र राई ।
धरानमा गल्फ र पर्यटन व्यवसाय
धरानमा रहेको गल्फ कोस नेपालकै पुरानो र ठुला कोस हो । यसको वयवस्थापन र प्रचारप्रसार हुन नसक्दा धरान निकै घाटा भएको वताउँछन धरान गल्फ क्लवका सचिव तथा गल्फर जितेन्द्र राई । उनका अनुसार गल्फ खेलले हाइ प्रोफाइलका पर्यटक भित्र्याउन धेरै महत्वपुर्ण भुमिका खेल्छ । यसको वयवस्थापन र प्रचार हुन नसक्दा थलिएर बसेको छ । धरानमा बाह्य पर्यटक भित्र्याउन पनि यो खेलको महतवपुर्ण । त्यसैले हामीले प्रदेश सरकारलाई पनि ध्यानाकर्षण गरायोै तर केहि नभएको गुनासो गर्दछन राई । उनि थप्छन, दुःखको कुरा यो यहाँ यत्रो गल्फ कोर्ष छ । धरानका होटल व्यवसायीहरुलाई बाह्य देशबाट आउने पर्यटकले गल्फ खेल्न चाहेर सोधे पनि छैन भनेका छन । त्यसैले यसको प्रचार आवश्यक छ ।

पर्यटकहरु आउदा गल्फले हरेक पर्यटकलाई थप एक दिन रोक्न सक्छ । यहाँ अन्तराष्ट्रिय का साथै ठुला उद्योगी, व्यवसागीहरु आउँछन । उनीहरु गल्फ खेल्न् चाहान्छन तर यसको जानकारी र व्यवस्थापन नहुँदा त्यसै बसेको छ । धरान गल्फ क्लवका अध्यक्ष भन्छन, अव यसको विषयमा केहि हुने आशा गरेको वताउँछन किनभने अहिले धरान प्रमुख तिलक राई आफै गल्फर र खेलाडी उत्पादन संस्था नेपाल गल्फ एसोसियसन नेपालका केन्द्रिय उपाध्यक्ष समेत हुन । उनी थप्छन, यसको व्यवस्थापन नभएर गल्फ खेल छ मात्र भन्ने जानकारी गराइदिए पनि राम्रो हुने थियो । अहिलेसम्म नगरले यस विषयमा केही गरेको छैन भन्ने प्रश्नमा सचिव राई भन्छन् नगरेकै चाँही भन्न मिल्दैन वर्षमा एउटा टुर्नामेन्टको लागी १ लाख रुपैया दिने गरेको छ, त्यति यो विकास र व्यवस्थानका लागी नगन्य हो । गल्फ खेलमा नेपालको केन्द्रिय सरकार , प्रदेश सरकारको ध्यान पुग्न सके धरानको मात्र होइन नेपालकै पर्यटन विकासमा सहयोग पुग्छ ।

 

प्रतिक्रिया दिनुहोस

देशमा कफ्र्यु नलाग्ने र्गह मन्त्रालयको प्रष्टोक्ति

इटहरीः संघीय सरकारको गृह मन्त्रालयले देशका कुनै पनि भागमा तत्काल कफ्र्यु आदेश जारी नहुने प्रष्ट पारे ...

कोरोना संक्रमितको उपचार खर्च व्यहोर्न प्रदेश १ सरकार तयार

इटहरीः संघीय सरकारले कोरोना संक्रमितको उपचार खर्च व्यहोर्नुपर्ने दायित्वबाट पन्छिँदै संक्रमित आ ...

दमकमा कोरोना संक्रमणका कारण अस्पताल र स्थानीय तहको सेवा ठप्प

इटहरीः झापाको दमक नगरपालिकाका जनप्रतिनिधि तथा कर्मचारी र आम्दा अस्पतालका स्वास्थ्यकर्मीमा कोरोना संक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved