विराटनगरः नेकपाकी सांसद पदमकुमारी गुरुङले संविधानमा उल्लेख भएअनुसार प्रदेशमा पनि कानुन बनाएर गुठी जग्गामा बसोबास गरिरहने मानिसहरुको पीडा कम गर्नु पर्ने भन्दै प्रदेश सरकारको ध्यानाकर्षण गरेकी छन् ।
उनले भनिन्,“गुठी जग्गामा बस्नेहरुको लालपूर्जा छैन । गुठी जग्गालाई रैकरमा परिवर्तन गरेर जनतालाई उपलब्ध गराइयोस । सुकुम्बासीलाई पनि भूमिको व्यवस्था गरेर लालपूर्जा वितरण गर्न सरकारको ध्यानाकर्षण गराउन चाहन्छु ।” उनले आर्थिक वर्ष २०७७÷०७८ को छलफल भईंरहेको र संखुवासभा जिल्ला पनि प्राकृतिक सुन्दर र पर्यटकीय संभावनाको क्षेत्र भएकोले त्यहाँ पर्यटनको विकासको लागि सरकारले ध्यान दिनुपर्नेमा जोड दिइन ।
नेकपाका राजकुमार ओझाले सामाजिक विकास मन्त्रालयले पूर्वाञ्चल विश्व विद्यालयमा कोभिड १९ को आइसोलेसन वार्ड छ । त्यहाँ न्यूनतम पूर्वाधार पनि छैन । भने,“स्वास्थ्य सामग्रीको व्यवस्था होस । स्वास्थ्यकर्मीलाई पनि लाने र लैजाने व्यवस्था छेन । पारिश्रमिक पनि दिइएको छैन । न्यूनतम सेवा सुविधा उलब्ध गराइयोस ।” ओझाले अस्पताल पुग्ने बाटो अस्तव्यवस्त रहेकोले त्यसको मर्मत सम्हारको लागि माग गरे ।
नेकपाका सांसद हिराकुमार थापाले अहिले खेतीको बेला भएपनि किसान खेतीपातीमा व्यस्त रहेको तर मलको हाहाकार भएको बताए । भने,“किसानलाई मल उपलब्ध गराइयोस ।” उनले किसान जो एक दुई कठ्ठा जग्गावाल थिए । पूर्वपश्चिम रेल्वे लाइन विस्तार उनीहरुको जग्गा सर्भे गर्दा रेलमार्गमा परेको भन्दै राहत दिन माग गरे । कांग्रेस प्रमुख सचेतक केदार कार्कीले कोशी कोभिड अस्पतालमा उपचारको प्रबन्ध व्यवस्थित गर्न माग गरे ।
