खोज पत्रकारिता एवम् साहित्य विधाका चार जना धरानमा सम्मानित

  • श्रावण ७, २०७८
  • ३७५ पटक पढिएको
  • रिकेश बिस्वकर्मा
alt

धरानः सुनसरी धरानको प्रवोध साप्तहिक पत्रिका ११ वर्ष प्रवेश गरेको अवसरमा ब्लाष्टकर्मी खिलानाथ विश्वकर्मासहित ३ जना क्रियाशील पत्रकार र १ जना साहित्यकारलाई नगदसहित सम्मान गरिएको छ ।

ब्लाष्ट टाइम्स दैनिकका खिलानाथ विक, दिव्य रोशनी साप्तहिकका सागर सिञ्जाली र कृति टेलीभिजनकी मौसमी कार्कीलाई नगद ५ हजारसहित सम्मान गरिएको हो । प्रवोध साप्तहिक पत्रिकाका सम्पादक लम्जेल सङ्घर्षशीलका बुवा रेशबहादुर लम्जेलको वार्षिक स्मृतिमा स्थापना गरिएको ‘रेशबहादुर लम्जेल खोजमूलक पत्रकारिता पुरस्कार–२०७८’ ब्लाष्ट टाइम्स राष्ट्रिय दैनिकका खिलानाथ वि। क लाई प्रदान गरिएको हो । पत्रिकाकी प्रधान सम्पादक प्रकाशक जमुना श्रेष्ठका आमाबुबाको स्मृतिमा ‘विष्णु–नन्द स्मृति सिर्जनशील पत्रकारिता पुरस्कार’ दिव्य रोशनी साप्ताहिकका पत्रकार सागर सिञ्जालीलाई प्रदान गरिएको हो । पत्रिकाका सल्लाहकार गजेन्द्र लम्जेलकी आमाको वार्षिक स्मृतिमा स्थापना गरिएको ‘पदमकुमारी लम्जेल स्मृति पत्रकारिता पुरस्कार’ कृति टेलीभिजनकी पत्रकार मौसमी कार्कीलाई प्रदान गरिएको हो । साहित्यकार एवम् साप्ताहिक पत्रिकाका सल्लाहकार गणेशकुमारी राईकी आमाको वार्षिक स्मृतिमा ‘मतिश्वरा राई स्मृति साहित्यिक पुरस्कार–२०७८’ इटहरीकी कवियत्रि लता कार्कीलाई प्रदान गरिएको हो । उनलाई पनि नगद ५ हजारसहित सम्मान पत्र प्रदान गरिएको सम्पादक लम्जेल सङ्घर्षशीलले जानकारी दिए ।

received_414390133190088

वार्षिकोत्सवकै अवसरमा पत्रिकामा समूहका आफन्तजनको सामुहिक वार्षिक स्मृति एवम् सम्मान कार्यक्रम गरेको पत्रिकाकी प्रकाशक तथा सम्पादक जमुनादेवी श्रेष्ठले बताइन् । कार्यक्रमका प्रमख अतिथि नेपाल पत्रकार महासङ्घका केन्द्रीय सदस्य अमर खड्काले धरानका साप्ताहिक पत्रिकामा पनि प्रवोध र दिव्य रोशनीले विभिन्न रचनात्मक कार्य गर्दै संस्थागत भूमिका निर्वाह गरेको बताए । नेपाल कम्युनिस्ट पार्टीका नेता दीपेश राई, नेकपाका नेता तिर्लोचन लोहार, नेपाल पत्रकार महासंघ सुनसरीका अध्यक्ष जनकऋषि राई साथै विभिन्न राजनीतिक दलका प्रतिनिधि र साहित्यिक व्यक्तित्वहरूको उपस्थिति रहेको थियो । पत्रिकाको अनलाइन संस्करण पनि सञ्चालनमा रहेको छ । पत्रिका १० औं वर्ष पूरा गरी २०७८ साउन १ गतेदेखि ११ औं वर्ष प्रवेश गरेकोे हो । ११ औँ वर्ष प्रवेश गरेको अवसरमा बिहीबार धरानको होटल पूर्वी स्टारमा विभिन्न कार्यक्रम गरी वार्षिकोत्सव मनाएको हो । पूर्वका क्रान्तिकारी पत्रकार तथा संस्कृतिकर्मी महान शहीद डी कौडिण्यको स्मृति कार्यक्रमसमेत गरिएको थियो ।

प्रतिक्रिया दिनुहोस

महालक्ष्मी विकास बैक र आर्या ब्युटि आर्टबीच ग्राहकलाई सहुलियत दिने सम्झौता

धरानः आर्या ब्युटि आर्ट एण्ड एकेडेमी र महालक्ष्मी विकास बैंकबीच ग्राहकलाई सहुलियत दिने विषयमा सम्झौत ...

खतरा महसुस हुनेबित्तिकै खबर गर्नुहोस्: प्रहरी

काठमाडौँः नेपालीहरूको मुख्य चाड नजिकिएसँगै नेपाल प्रहरीले आफ्नो निगरानी बढाउन थालेको छ । चाडपर्वमा ...

बेन्च–बार द्वन्द्व स् सर्वोच्चले माग्दा बारले एमिकस क्युरी नै पठाएन

काठमाडौँः सर्वोच्च अदालतले संवैधानिक इजलासको संरचनाका विषयमा परेको रिटमा एमिकस क्युरी मागेकोमा नेपाल ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved