धरानः धरानमा आइतबार बेलुका एकै दिन ६४ जनामा कोराना पुष्टि भएको छ । धरान उपमहानगरपालिका स्वास्थ्य महाशाखा प्रमुख उमेश मेहताका अनुसार इलाका प्रहरी कार्यालय धरानका २ प्रहरी र अन्य ६२ जना नेपाली सेना र सेनाका परिवार रहेका छन ।

भाद्र १७ गते धरान १३ फुस्रे स्थित नेपाली सेनाको ब्यारेकमा १ सय ३१ जना सेना र इलाका प्रहरी कार्यालय धरानका ११ जना प्रहरीको स्वाब लिइएको थियो । फुस्रो स्थित नेपाली सेनाको ब्यारेकमा १३१ जनाको स्याब लिइएकोमा ६२ जनाको पोजेटिभ आएको महाशाखा प्रमुख मेहेताले जानकारी दिएका छन ।

इलाका प्रहरी कार्यालय धरानका ११ प्रहरीको स्याव टेष्ट गर्दा २ जनाको पिसिआर रिपोर्ट पोजेटिभ आएको पनि मेहेताले वताएका छन । संक्रमित मध्ये ६३ जना पुरुष रहेका छन १ जना २ वर्षिया बालिका रहेको महाशाखा प्रमुख मेहेताले बताएका छन ।