पोखरीमा डुबेर आमा -छोरीको मृत्यु

  • आश्विन ५, २०७७
  • १४० पटक पढिएको
  • प्रदेश पोर्टल
alt

इटहरीः मोरङको ग्रामथान गाउँपालिका – ४ मा पोखरीमा डुबेर आमा र दुई छोरीको मृत्यु भएको छ । मोरङको ग्रामथान गाउँपालिका – ४ बनसखण्डीका बस्दै आएकी ३५ वर्षीया आमा सीता अधिकारी, उनकी छोरीहरु १३ वर्षीया पवित्रा र ९ वर्षीया छोरी कृतिकाको मृत्यु भएको प्रहरीले जनाएको छ ।

आइतबार दिउँसो माछा पाल्ने पोखरीमा सीताका दुई छोरी पसेका थिए । दुई छोरी पोखरीमा डुबेपछि उद्दारका लागि आमा पसेकी थिइन् । घटनाको प्रकृति हेर्दा दुई छोरी पौडी खेल्न पसेको र आमा उद्दार गर्न पोखरीमा पसेको देखिएको इलाका प्रहरी कार्यालय बेलबारीका प्रहरी निरिक्षक ऋषिराज ढकालले बताए ।

प्रहरी निरिक्षक ढकालका अनुसार सीताका श्रीमान नौं वर्षयता सम्पर्क बिहीन छन् । कान्छी छोरी दुई महिनाकी हुँदा श्रीमान बेपत्ता भएपछि सीता दुई छोरीसहित माइतमा बस्दै आएकी थिइन् ।

माइतमा घर नजिकै खेतमा माछा पाल्नका लागि पोखरी बनाइएको थियो । दिउँसो पोखरीमा चारो हाल्न सीतासँगै छोरी पनि गएका थिए । गर्मीमा पौडी खेल्न भन्दै कान्छी छोरी पोखरीमा पसेको र उनकालाई निकाल्न भन्दै जेठी छोरी पोखरीमा पसेको वडा अध्यक्ष बैजनाथ विश्वासले बताए । २ छोरी नै डुबेपछि माछालाई चारो हाल्न गएकी सीता पनि पोखरीमा पसेकी थिइन ।

दिउँसो घरबाट निस्किएकी सीता र २ छोरी साँझमा पनि घर नफर्किएपछि खोजी गर्ने क्रममा साँझ करिब ६ बजे पोखरीमा डुबेको अवस्थामा शव भेटिएको थियो । प्रहरीले राति ८ बजे शव पोखरीबाट निकालेर पोष्टमार्टमका लागि कोशी अस्पताल विराटनगरमा पठाएको प्रहरी निरिक्षक ढकालले बताए । शवको प्रकृति हेर्दा पोखरीमा डुबेर मृत्यु भएको देखिन्छ । कान्छी छोरीले कपडा लगाएको छैन्, १३ वर्षीय छोरीले भित्री बस्त्र लगाएको अवस्थामा र आमाको शव कपडा लगाएको अवस्थामा भेटिएको प्रहरी निरिक्षक ढकालले जानकारी दिए । एकै परिवारका तीनजनाको मृत्यु भएपछि इलाका प्रहरी कार्यालय बेलबारीले आवश्यक अनुसन्धान थालेको प्रनि ढकालले बताएका छन् ।

 

प्रतिक्रिया दिनुहोस

सामाजिक सुरक्षाको भरपर्दो व्यवस्थाः घरघरमा रकम बाँड्दै स्थानीय सरकार

इटहरीः तेह्रथुमको छथर गाउँपालिकाले आफ्नो क्षेत्रका ज्येष्ठ नागरिकलाई सामाजिक सुरक्षा भत्ता बापत ...

सामाजिक सुरक्षाको भरपर्दो व्यवस्थाः घरघरमा रकम बाँड्दै स्थानीय सरकार

इटहरीः तेह्रथुमको छथर गाउँपालिकाले आफ्नो क्षेत्रका ज्येष्ठ नागरिकलाई सामाजिक सुरक्षा भत्ता बापत ...

कोरोना संक्रमितको निशुल्क उपचार गर्नुपर्ने डा.केसीको माग

इटहरीः चिकित्सा शिक्षा सुधारका लागि लामो समयदेखि संघर्ष गर्दै आएका चिकित्सक डा.गोविन्द केसीले द ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved