इटहरीः नेपालमा आज मंगलबार एक हजार पाँच सय १३ जना नयाँ कोरोना संक्रमित थपिएका छन् ।

यससँगै देशभर संक्रमितको कुल संख्या ७६ हजार दुई सय ५८ जना रहेकोमा आज १० जनासहित हालसम्म चार सय ९१ जना संक्रमितको मृत्यु भएको छ । आज सात सय ३१ जनासहित हालसम्म ५५ हजार तीन सय ७१ जना संक्रमित निको भएपछि अब देशभर सक्रिय संक्रमितको संख्या २० हजार तीन सय ९६ जना पुगेको छ ।

आज देशभर जम्मा १० हजार आठ सय ९१ जनाको देशका विभिन्न प्रयोगशालाहरुमा स्वाब परीक्षण गरिएको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिए । मन्त्रालयले केही दिनअघि देशभर सक्रिय संक्रमितको संख्या २५ हजार पुगेमा देशव्यापी लकडाउन गर्न कोभिड–१९ संकट व्यवस्थापन केन्द्रलाई सिफारिस गरेकोमा हालको संक्रमित संख्या सोभन्दा चार हजार ६ सय चारले मात्र कम रहेको छ ।