इटहरीः आज देशभर कोरोना भाइरसका एक हजार नौ सय ११ जना नयाँ जनामा कोरोना संक्रमित थपिएका छन् ।
यससँगै नेपालमा हालसम्म कोरोना भाइरसबाट संक्रमित हुनेको संख्या ७९ हजार सात सय २८ जना पुगेको स्वास्थ्य मन्त्रालयका प्रवक्ता डा.जागेश्वर गौतमले बताए । संक्रमितमध्ये पछिल्लो २४ घन्टामा नौ सय ६१ जनासहित देशभर जम्मा ५७ हजार तीन सय ८९ जना निको भएका छन् ।
यस्तै पछिल्लो २४ घन्टामा ११ जनासहित देशभर हालसम्म पाँच सय नौ जनाले संक्रमणका कारण ज्यान गुमाएका छन् । प्रवक्ता गौतमका अनुसार पछिल्लो २४ घन्टामा देशभर भएका पीसीआर परीक्षणको संख्या १२ हजार चार सय ४४ रहेको छ । हाल नेपालमा २१ हजार आठ सय ३० जना सक्रिय संक्रमित रहेको उनको भनाइ छ ।
_1720278409.jpg)
