इटहरीः नेपालमा आज सोमबार थप दुई हजार चार सय ४० जनामा कोरोना भाइरसको संक्रमण पुष्टि भएको छ ।
देशभरका विभिन्न प्रयोगशालामा आज भएका १३ हजार सात सय ८१ ओटा नमुना परिक्षणबाट दुई हजार चार सय ४० जना नयाँ संक्रमितको पहिचान भएपछि देशभर संक्रमितको कुल संख्या ८९ हजार दुई सय ६३ जना पुगेको छ । संक्रमित मध्ये गत २४ घन्टाको अवधिमा एक हजार एक सय ३३ जनासहित देशभर हालसम्म ६५ हजार दुई सय दुई जना निको भएका छन् । यसैगरी आज देशभर १९ जनाको ज्यान गएसँगै देशभर संक्रमणबाट मृत्यु हुनेको संख्या पाँच सय ५४ जना पुगेको स्वास्थ्य मन्त्रालयको तथ्याङ्क छ ।
यससँगै हाल देशभर जम्मा २३ हजार पाँच सय सात जना सक्रिय कोरोना संक्रमितहरु रहेका छन् । सरकारले यसअघि नै संक्रमितको संख्या २५ हजारभन्दा बढी भएमा देशव्यापी लकडाउन पुनः लागू गर्ने बताएको पृष्ठभूमिमा संक्रमितको संख्या पछिल्लो समय तिव्र रुपमा बढिरहेको छ ।
_1720278409.jpg)
