इटहरीः पछिल्लो २४ घन्टामा नेपालमा एक हजार पाँच सय ५१ जना नयाँ कोरोना संक्रमित थपिएका छन् ।
यससँगै देशभर हालसम्म संक्रमित हुनेको संख्या ९० हजार आठ सय १४ पुगेको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले बताए । उनका अनुसार आज देशभर ११ हजार ४७ जनाको पीसीआर परीक्षण भएको छ । आज देशभरबाट दुई हजार तीन सय ४० जना संक्रमणमुक्त भएको प्रवक्ता गौतमको भनाइ छ । यससँगै हालसम्म संक्रमण निको हुनेको कुल संख्या ६७ हजार पाँच सय ४२ पुगेको छ ।
कुल संक्रमितको ७४.३ प्रतिशत मानिस निको भएको तथ्याङ्कले देखाएको छ । यस्तै, कोरोना संक्रमणबाट आज देशभर नौ जनाको मृत्यु भई हालसम्म कोरोनाबाट ज्यान गुमाउनेको संख्या पाँच सय ६३ जना पुगेको स्वास्थ्य मन्त्रालयको तथ्याङ्क छ । हाल देशभर २२ हजार सात सय नौ जना संक्रमित रहेको मन्त्रालयले जनाएको छ ।
_1720278409.jpg)
