इटहरीः नेपालमा आज शुक्रबार थप दुई हजार ५९ जना कोरोना संक्रमित थपिएका छन् ।
आज थपिएका संक्रमितध्ये पुरुषको संख्या एक हजार तीन सय २७ छ भने महिलाको संख्या सात सय ३२ जना रहेको छ । पछिल्लो २४ घन्टामा देशभरका विभिन्न प्रयोगशालामा भएका १३ हजार दुई सय ७९ पीसीआर परीक्षण गरिएको छ । यससँगै संक्रमितको कुल संख्या एक लाख ६ सय ७६ जना पुगेको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले बताए ।
उनका अनुसार संक्रमितध्ये आज १० जनाको मृत्यु भएको छ । आज मृत्यु हुनेहरुमा एक महिला र नौ जना पुरुष रहेका छन् । यससँगै संक्रमणबाट ज्यान गुमाउनेको कुल संख्या देशभरमा ६०० जना पुगेको प्रवक्ता गौतमको भनाइ छ । यस्तै संक्रमितध्ये आज एक हजार ६ सय ८० जना निको भएका छन् । यससँगै निको हुनेको कुल संख्या देशभरमा ७३ हजार २३ जना पुगेको छ । हाल देशभर २७ हजार ५३ जना सक्रिय संक्रमितहरु रहेको मन्त्रालयको तथ्याङ्क छ । मन्त्रालयका अनुसार सक्रिय संक्रमितध्ये हाल ७५ जनाको भेन्टिलेटरमा र तीन सय १८ जनाको आईसीयूमा उपचार भइरहेको छ ।
_1720278409.jpg)
