इटहरीः नेपालमा आज शुक्रबार थप चार हजार तीन सय ९२ जना नयाँ कोरोना संक्रमित थपिएका छन् ।
यससँगै देशभरमा संक्रमितको कुल संख्या एक लाख २६ हजार एक सय ३७ जना पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार आज देशभरका विभिन्न प्रयोगशालामा १६ हजार पाँच सय ३१ जनाको पीसीआर परीक्षण गरिएको छ ।
आज देशभरका तीन हजार पाँच सय २२ जना संक्रमित निको भएपछि संक्रमण मुक्त हुनेको कुल संख्या ८८ हजार ४० जना पुगेको छ । हाल देशभर ३७ हजार तीन सय ८२ जना सक्रिय संक्रमित रहेका छन् । आज देशभर २१ जना संक्रमितले ज्यान गुमाएको स्वास्थ्य मन्त्रालयका प्रवक्ता डा.जागेश्वर गौतमले बताए ।
यससँगै कोरोना संक्रमणबाट देशभरमा हालसम्म सात सय १५ जनाले ज्यान गुमाएको प्रवक्ता गौतमको भनाइ छ । कुल संक्रमितमध्ये ६९.८ प्रतिशत निको भएको मन्त्रालयको तथ्याङ्क छ ।
_1720278409.jpg)
