इटहरी,धरान र विराटनगर बने कोरोना ‘हटस्पट’

  • कार्तिक १, २०७७
  • ११४७ पटक पढिएको
  • प्रदेश पोर्टल
alt

इटहरीः पछिल्लो २४ घण्टामा सुनसरीको धरान उपमहानगरमा होम आईसोलसनमा चारजनाको मृत्यु भयो । बीपी कोइराला स्वास्थ्य विज्ञान प्रतिष्ठानमा उपचाररत समेत जोड्दा धरानमा मात्र मृत्यु हुनेको संख्या आठ पुग्यो । कोरोना संक्रमणको दर बढ्दै जाँदा प्रदेश १ का प्रमुख सहरमा संक्रमण केन्द्रीत भएको छ ।

प्रतिष्ठानमा अहिले दैनिक रुपमा लक्ष्यणसहितका कोरोना संक्रमित भर्ना हुने क्रम बढेको छ । होम आईसोलेसनमा बसेकाहरुमा श्वास प्रश्वासमा समस्या देखिन थालेपछि दैनिक टोलिफोन गरेर आईसियूबारे बुझ्न थालेको प्रतिष्ठानले जनाको छ । तर, बेड अभावमा सबैले उपचार पाउन भने सकेका छैनन । प्रतिष्ठानका कोरोना संयोजक डा। इन्द्र लिम्बूले लक्ष्यणसहितका बिरामीको चाप बढ्न थालेपछि उपचारमा समस्या हुन थालेको बताएका छन । प्रतिष्ठानले बिरामीको चाप बढेसंगै पहिल्यै जानकारी लिएर मात्रै प्रतिष्ठानमा भर्ना हुन आउन सूचना जारी गरेको छ ।

विराटनगरमा पछिल्लो २४ घण्टामा तीन जना कोरोना संक्रमितको मृत्यु भएको छ । महानगरमा संक्रमणको दरसमेत दैनिक बढ्दो क्रममा छ । महानगरपालिकाको स्वास्थ्य महाशाखाका अनुसार हालसम्म संक्रमणबाट महानगर क्षेत्रभित्र २८ जनाले ज्यान गुमाई सकेका छन । संक्रमित हुनेको संख्या चार हजार पुगेको छ । महानगरका स्वास्थ्य महाशाखाका प्रमुख भन्छन्,“दैनिक संक्रमितको संख्या बढ्दो छ । संक्रमण दर समेत बढ्दै जानु चिन्ताको विषय भएको छ ।” कार्कीले विराटनगरमा दैनिक औसत डेढ सय जनामा संक्रमण देखिन थालेको छ । संक्रमित बढेसंगै महानगर क्षेत्रमा आईसोलेसन र अस्पताल भरिएका छन । महानगरमा १३ हजार ३ सय ७० जनाको पीसीआर परीक्षण भएको छ । विराटनगर महानगरका मेयर भीम पराजुली भन्छन्,“संक्रमित थपिंदै जाँदा अलि दीर्घरोगी र अक्सिजन दिनुपर्नेहरुको व्यवस्थापनमा भने चुनौती थपिएको छ । हामीले संघीय र प्रदेश सरकारको पनि ध्यानाकर्षण गरिरहेका छौं ।”

इटहरी उपमहानगरपालिकाले अर्को सूचना नआउन्जेलसम्मको लागि पीसीआर परीक्षण गर्न स्वाब संकलनको कार्य बन्द गरेको छ । प्रदेश प्रयोगशाला विराटनगर र धरानस्थित बीपी प्रतिष्ठानले रिएजन्टको अभाव भएको जनाउ दिएपछि इटहरीले सार्वजनिक सूचना जारी गरी स्वाब संकलन बन्द गरेको हो । उपमहानगरमा हालसम्म १००५ जनामा संक्रमण देखिएको छ । कोरोना संक्रमणबाट हालसम्म इटहरीमा ११ जनाले ज्यान गुमाईसकेको स्वास्थ्य शाखा प्रमुख रामशरण चौधरीका जानकारी दिएका छन । भने,“संक्रमितको संख्या बढेसंगै मृतक पनि थपिन थालेका छन ।”

प्रदेश १ मुख्यमन्त्री तथा मन्त्रिपरिषद् कार्यालयका अनुसार जिल्लागत रुपमा हेर्दा मोरङमा ५२ जनाको मृत्यु भएको छ । यसैगरी सुनसरीमा ४२ र झापामा १० जनाले ज्यान गुमाएका छन । संक्रमित हुनेमध्ये पनि अधिक यिनै तीन जिल्लाका प्रमुख सहरहरुमा छन । प्रदेशमा १२ हजार २६९ जनामा कोरोना संक्रमण पुष्टि भएको छ । प्रदेशभरका संक्रमितमध्ये आधाभन्दा धेरै तीन जिल्ला झापा, मोरङ र सुनसरीको रहेको आजको कोशीपत्र दैनिकमा खबर प्रकाशित भएको छ ।

प्रतिक्रिया दिनुहोस

यसरी भएको छ ,दशैँःआशीर्वादको रूपान्तरण

एउटा भनाइ नै छ,'जस्तोसुकै मनमुटाव भए पनि दशैँमा टीका लगाउन जानू, सबै मनमुटाव निर्मूल हुन्छ।' दशैँ स ...

श्वास फेर्न कठिन भई वीपी प्रतिष्ठान भर्ना भएका धरानका ५३ बर्षीय पुरुषको मृत्यु

धरानः श्वास फेर्न कठिन भएपछि धरान स्थित वीपी कोइराला स्वास्थ्य विज्ञान प्रतिष्ठान भर्ना भएका ५३ बर्ष ...

चाडपर्व लक्षित सुरक्षाका लागि १२ सय प्रहरी परिचालन

धरानः चाडपर्व लक्षित सुरक्षाका लागि जिल्ला प्रहरी कार्यालय सुनसरीले विशेष सुरक्षा निती तयार गरि जनशक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved