देहरादूनको गुम्बा स्कूलमा ५१ नेपाली विद्यार्थी कुटिए,सकुशल उद्दार गरिदिन सरकारसँग अभिभावकको आग्रह

  • कार्तिक १२, २०७७
  • २२९ पटक पढिएको
  • प्रदेश पोर्टल
alt

इटहरीः भारत देहरादूतस्थित शाक्य गुम्बाले सञ्चालन गर्दै आएको बोर्डिङ स्कूलबाट घर फर्किन खोज्ने ५१ नेपाली विद्यार्थीमाथि निर्घात कुटपिट भएको छ । कुटपिटमा परेकामध्ये ४२ जना घाइते भएकाा छन् ।

अभिभावकले घाइते विद्यार्थीलाई सकुशल स्वदेश फिर्ता गराइदिन सरकारसँग माग गरेका छन् । ‘खानेबस्ने राम्रो व्यवस्था नभएपछि बच्चाहरू घर फर्किन निवेदन लिएर प्रिन्सीपल कहाँ पुगेका रहेछन्’ कुटाइ खाने विद्यार्थी निमा शेर्पाका बुबा ग्याल्जेन शेर्पाले भने, ‘एक्कासी स्कूलका अध्यक्ष लामा आएर कुटपिट गरेछन् । शरीरभरी निलडाम भएको छ ।’

उनका दुई छोरा १७ वर्षीय निमा र १३ वर्षीय सोनाम चार वर्षदेखि त्यहाँ छन् । उनका भाइका दुई छोरा पनि त्यही बसेर पढ्छन । तीमध्ये पस्टेम्पा शेर्पा नराम्ररी बिरामी परे । उनको मानसिक सन्तुलनसमेत बिग्रियो । गुम्बा र स्कूलले उनको उपचार नगरेर घर फर्काइदियो । घर फर्केर उपचारपछि अहिले उनको स्थिति सामान्य बन्दैछ ।

गुम्बाले सञ्चालन गरेको सो शाक्य एकेडमी बोर्डिङ स्कूलमा नेपालका बाग्लुङ, रुकुम, जुम्ला, हुम्ला, सिन्धुपाल्चोक, रामेछापलगायतका जिल्लाबाट ६९ विद्यार्थी अध्ययनरत थिए । ‘आर्थिक स्थिति कमजोर छ । त्यसमाथि भुकम्पले घर भत्कियो । निशुल्क बोर्डिङ स्कूल पढाउने लोभमा छोराहरुलाई देहरादून पठाएँ । अहिले यस्तो भयो’ ग्याल्जेनले भने ।
गुम्बाको सो स्कूलमा राम्रो व्यवहार नभएपछि केही समयअघि मात्र १८ जना नेपाली विद्यार्थी स्वदेश फर्किएका थिए । अरू पनि घर फर्किन चाहेपछि गुम्बा व्यवस्थापनले कडाई गरेको थियो । विद्यार्थीलाई घर परिवारसँग सम्पर्क गर्नसमेत दिइएन । काभ्रेका एक शिक्षक त्यहाँ पढाउँछन्, उनको समेत मोबाइल खोसिएको छ ।

काठमाडौंको बौद्धस्थित आनी गुम्बासम्म सो खबर आएपछि विद्यार्थीका अभिभावकले सरकारसँग उद्दारका लागि आग्रह गरेका छन् ।राष्ट्रिय मानवअधिकार आयोगका निवर्तमान सदस्य मोहना अन्सारीले ती विद्यार्थीको उद्दारका लागि आग्रह गर्दै गरेको ट्विटमा नयाँ दिल्लीस्थित नेपाली राजदून निलाम्बर आचार्यले ‘दूतावासले खोजखबर लिन्छ’ भन्ने प्रतिक्रिया दिएकी छन् । त्यस्तै, परराष्ट्रमन्त्री प्रदीप ज्ञवालीले सत्यतथ्य बुझ्ने प्रक्रिया सुरु भइसकेको जनाएका छन् । शिलापत्रबाट

प्रतिक्रिया दिनुहोस

प्रदेश १ को हजार बेडको कोभिड अस्पतालको छैन पत्तो ,नागरिक केयर सेन्टर निर्माणमा पनि ढिलासुस्ती

विराटनगरः प्रदेश १ सरकारले बनाउने भनेर घोषणा गरेको एक हजार बेड क्षमताको कोभिड १९ अस्पालको अझै पत्तो ...

नेकपामा देखिएको विवाद हटाउन महाधिवेसन आवश्यक छः प्रेस संगठन इन्चार्ज गौतम

संखुवासभाः नेकपामा केन्द्रिय कमिटि सदस्य तथा प्रेस संगठनका इन्चार्ज एवम् प्रतिनिधिसभा सदस्य राजेन्द् ...

हत्या गरेपछि अपहरणको नाटक, मृतककै नम्बरबाट फिरौती माग

इटहरीः मसिंर १० गते सुनसरीको दुहबी नगरपालिका २ बीरगाँउका १७ वर्षीय सुजन नारायण चौधरी दिनभर घरमै व्यस ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved