इटहरीःआज शुक्रबार देशभर दुई हजार नौ सय नौ जना कोरोना संक्रमितको पहिचान भएको छ ।
यससँगै देशभर संक्रमितको कुल संख्या एक लाख ८८ हजार आठ सय ८३ जना पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार संक्रमितमध्ये पछिल्लो २४ घण्टामा चार हजार पाँच सय जना निको भएका छन् । यससँगै देशभर हालसम्म एक लाख ५२ हजार नौ सय आठ जनाले कोरोनामाथि विजय हासिल गरेको मन्त्रालयको तथ्याङ्क छ ।
यसैगरी, आज देशभर १८ जना संक्रमितले ज्यान गुमाएका छन् । यससँगै संक्रमणका कारण ज्यान गुमाउनेको संख्या देशभरमा एक हजार ७० जना पुगेको छ । मन्त्रालयले हाल देशभर सक्रिय संक्रमितको कुल संख्या ३४ हजार नौ सय पाँच जना रहेको जनाएको छ ।
_1720278409.jpg)
