इटहरीः नेपालमा पछिल्लो २४ घण्टामा एक हजार नौ सय ४६ जना नयाँ कोरोना संक्रमितको पहिचान भएको छ ।
आज पहिचान भएका संक्रमितमध्ये महिलाको संख्या आठ सय १६ रहेको छ भने पुरुष एक हजार एक सय ३० जना रहेका छन् । यससँगै संक्रमितको कुल संख्या हालसम्म दुई लाख आठ हजार दुई सय ९९ जना पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार आज देशभर दुई हजार पाँच सय तीन जना संक्रमित निको भएका छन् ।
यससँगै निको हुने संक्रमितको कुल संख्या एक लाख ७० हजार ६ सय ३२ पुगेको छ । संक्रमण निको हुने दर ८१.९ प्रतिशत पुगेको मन्त्रालयको तथ्याङ्क छ । आज देशभर संक्रमणका कारण १३ जनाको ज्यान गएको छ । यससँगै देशभर संक्रमणका कारण ज्यान गुमाउनेको कुल संख्या एक हजार दुई सय १५ जना पुगेको छ । हाल देशभर ३६ हजार चार सय ५२ जना संक्रिय संक्रमित रहेका छन् ।
_1720278409.jpg)
