इटहरीः आज देशभर एक हजार चार सय ४२ जना नयाँ कोरोना संक्रमित भेटिएका छन् ।
यससँगै हालसम्म देशभर दुई लाख १२ हजार नौ सय १७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा देशभर तीन हजार पाँच सय ३८ संक्रमित निको भएका छन् । यससँगै हालसम्म निको हुने संक्रमितको कुल संख्या एक लाख ८२ हजार सात सय ८० जना रहेको छ । यसैगरी, आज देशभर १२ जना संक्रमितले ज्यान गुमाएका छन् ।
यससँगै मृतक संक्रमितको संख्या देशभर एक हजार दुई सय ५९ जना पुगेको मन्त्रालयले जनाएको छ । हाल देशभर २८ हजार आठ सय ७८ जना सक्रिय संक्रमित रहेका छन् । आज देशभरका विभिन्न प्रयोगशालामा ६ हजार सात सय ३१ स्वाब नमुनाको पीसीआर परीक्षण गरिएको छ । यससँगै पीसीआर परीक्षणको कुल संख्या हालसम्म १६ लाख २३ हजार सात सय ५४ पुगेको छ ।
_1720278409.jpg)
