हत्याका अभियुक्त खुलेआम घुम्दै, मृतकका आफन्तलाई ज्यानको खतरा

  • मंसिर १०, २०७७
  • २५० पटक पढिएको
  • प्रदेश पोर्टल
alt

इटहरीः मोरङको बेलबारी नगरपालिका ५ कसेनीस्थित खाोलामा बनाइएको बाँसको पुलबाट मोटरसाइकल पार गराउँदा उठाइएको शुल्कको विरोध गरेको भन्दै हत्या गरिएका ३९ वर्षीय चन्द्रकुमार राईको परिवार हत्याका अभियुक्तहरुको धाकधम्कीका कारण विस्थापित हुनुपर्ने अवस्थामा पुगेको छ ।

मृतक राईको परिवारका अन्य तीन जना सदस्यलाई कुटपिट गरी घाइतेसमेत बनाएका २० जना अभियुक्तहरुमध्ये १२ जना फरार रहेको र पक्राउ परेका सात जनामध्ये पनि चार जनालाई पुर्पक्षका लागि कारागार चलान गरी तीन जनालाई जिल्ला अदालतले धरौटीमा छोडेपछि पक्राउ नपरेका र धरौटीमा छुटेका अभियुक्तहरुले मृतकका परिवारमाथि मानसिक दबाब बढाउन थालेका हुन् ।

धरौटीमा छोडिएका अभियुक्तहरुले घरमा आएर ‘चार जनालाई मार्नुपर्नेमा एक जना मात्रै मारेछौं, गाउँमा तिमीहरु कसरी बस्छौं हेरौला’ भन्दै धाकधम्की दिने गरेको मृतकका आफन्त धनबहादुर राईको भनाइ छ । आर्थिक अवस्था कमजोर रहेको राई परिवारमाथि अनाहकमा आफन्त गुमाउनुको पीडाका साथै आर्थिक संकट एकैसाथ आइपरेको छ । सोही घटनामा टाउकोमा गम्भीर चोट लागेका राई परिवारका अर्का सदस्य समुन्द्र राई अहिले आर्थिक अभावका कारण उपचारबाट पनि बञ्चित भएका छन् । चार लाख रुपैयाँ खर्चको जोहो गर्न नसक्दा उनको टाउकोमा स्टिल हाल्नुपर्ने काम थाति रहेको छ ।  हालसम्म आफ्नै तर्फबाट पाँच लाख रुपैयाँ खर्च गरी उपचार गराएको परिवार अदालतबाट क्षतिपूीर्त रकम पाइने आशमा रहेको छ ।

भदौ ११ गते पुल प्रयोगबापत रकम असुलीको घनेन्द्र श्रेष्ठले विरोध गरेपछि रकम उठाउँदै आएका कृष्णकुमार चौधरी र विनयकुमार सरदारले सोको भोलिपल्ट साथीहरुको सहयोगमा श्रेष्ठमाथि आक्रमण गरेकोमा सम्झाइबुझाइ गर्न गएका चन्द्रकुमारसहित चार जनालाई आक्रमणकारीहरुले गम्भीर घाइते बनाएकोमा चन्द्रकुमारको विराटनगरस्थित विराट नर्सिङ होममा उपचारका क्रममा ज्यान गएको थियो । अन्य घाइतेहरु ३६ वर्षीय समुन्द्रकुमार राई, ४२ वर्षीय सईकुमार राई र १५ वर्षीय गौरब राई भने बाँच्न सफल भएका छन् ।

बाँसको पुलमा मोटरसाइल तारेको चर्को शुल्क उठाउने कार्यको विरोध गरेको भन्दै भदौ ११ गते साँझमा स्थानीय दिनेश भन्ने घलेन्द्र श्रेष्ठसँग कृष्णकुमार चौधरी र विनयकुमार सरदारको भनाभन भएको थियो । सोही भनाभनको बदला लिन भदौ १२ गते कृष्णकुमार र विनयरले आफ्नो साथीहरु भेला गरेर श्रेष्ठमाथि सामूहिक आक्रमण गराएका थिए । आक्रमण छुटाउन गएका ३९ वर्षीय चन्द्रकुमार राईको नै उनीहरुले हत्या गरेका थिए ।

घटनामा प्रहरीले २० जनलाई अभियुक्त बनाएकोमा विनयकुमार सरदार, राजेन्द्र थुलुङ, दिपेन्द्रकुमार चौधरी, विरेन्द्रकुमार खवास र बिशालकुमार खवास पुर्पक्षका लागि जेल चलान भएका छन् । अभियुक्तहरु यानु थुलुङ ५ लाख, जितेन्द्र चौधरी ४ लाख र बलराम चौधरी ५ लाख धरौटीमा रिहा भएका छन् भने अन्य १२ जना हालसम्म फरार रहेका छन् ।

प्रतिक्रिया दिनुहोस

दशौं हजारलाई स्वरोजगार बनाउने राधिकाको यस्तो छ संघर्षको कथा

इटहरीः संघर्ष नै सफलताको सोपान हो भन्ने तथ्यलाई आदर्श मान्ने राधिका कार्की (थापा) समाजको हितलाई ...

अपाङ्गता भएका व्यक्तिहरुको स्वास्थ्य जाँच र परिचयपत्र वितरण सुरु

इटहरीः शारीरिक वा मानसिक रुपमा अपाङ्गता भएका वा फरक शारीरिक क्षमता भएकाहरु सरकारको प्राथमिकतामा नपरे ...

यादव विशेषज्ञ सल्लाहकारमा नियुक्त

जनकपुरधामः प्रदेश २ को भूमि व्यवस्था तथा सहकारी मन्त्रालयले ध्रुवनारायण यादवलाई मन्त्रालयको विशेषज्ञ ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved