इटहरीः नेपालमा आज थप पाँच सय ८८ जना नयाँ कोरोना संक्रमितको पहिचान भएको छ ।
देशभरका विभिन्न प्रयोगशालामा चार हजार छ २० स्वाब नमुनाको पीसीआर परीक्षण गर्दा पाँच सय ८८ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । यससँगै हालसम्म देशभर कुल दुई लाख ५३ हजार सात सय ७२ जनामा कोरोना संक्रमण देखिएको छ । संंक्रमितमध्ये आज देशभर ११ जनाको ज्यान गएको छ । यससँगै हालसम्म देशभर मृतक संक्रमितको कुल संख्या सात सय ७७ पुगेको छ । आज देशभर एक हजार ९७ जना सङ्क्रमित भएका छन् ।
यससँगै हालसम्म देशभरका दुई लाख ४३ हजार छ सय ६४ जना संक्रमित निको हुन सफल भएका छन् । संक्रमण निको हुने दर ९६ प्रतिशतभन्दा माथि पुगेको मन्त्रालयको तथ्याङ्क छ । हाल देशभर आठ हजार तीन सय २० जना सक्रिय संक्रमित रहेका छन् । देशभर हालसम्म १८ लाख ७० हजार आठ सय ३० जनाको पीसीआर परीक्षण सम्पन्न भएको छ ।
_1720278409.jpg)
