इटहरीः आज नेपालमा पाँच सय ११ जना नयाँ कोरोना संक्रमितको पहिचान भएको छ ।

यससँगै देशभर संक्रमितको कुल संख्या दुई लाख ६० हजार ५९ पुगेको स्वास्थ्य तथा जनसंख्या मन्त्रालयले जनाएको छ । संक्रमितमध्ये आज छ सय जना निको भएसँगै देशभर संक्रमणमुक्त हुनेको कुल संख्या दुई लाख ५१ हजार नौ सय १२ पुगेको छ ।

हाल देशभर ६ हजार तीन सय जना सक्रिय संक्रमित रहेका छन् । आज देशभर सात जना कोरोना संक्रमितको ज्यान गएसँगै मृतक संक्रमितको कुल संख्या एक हजार आठ सय ४७ पुगेको मन्त्रालयको तथ्याङ्क छ ।