इटहरीः चर्चित अभिनेता आकाश श्रेष्ठ र याङ्सु श्रेष्ठको अभिनयमा रहेको ‘मुनामदन–२’ गीतको भिडियो सार्वजनिक भएको छ ।

सो गीतमा गायक जनक विवश न्यौपाने र गायिका रचना रिमालको स्वर रहेको छ । जनक विवश न्यौपानेको शब्द तथा संगीत गीतमा रहेको छ । राजु कार्कीले एरेन्ज गरेको उक्त गीतको भिडियोमा चर्चित अभिनेता आकाश श्रेष्ठ र नवनायिका याङ्सु श्रेष्ठको दमदार अभिनय रहेको छ ।

गीतमा प्रेमिल जोडी बीचको प्रेम प्रसङ्गलाई व्यक्त गरिएको छ । उत्सव दाहालको छायाँकन, टेकेन्द्र शाहको सम्पादन तथा जनक सिंहको निर्देशन भिडियोमा रहेको छ । अभि वाग्लेले गीतमा कोरियोग्राफी गरेका छन् । गीतलाई मनोज कार्कीले प्रस्तुत गरेका हुन् ।