इटहरीमा समुदाय–प्रहरी कार्यक्रमले गति लिँदै, रेडक्रसको समन्वयमा रक्तदान

  • पुस २८, २०७७
  • ८४ पटक पढिएको
  • शंकर खत्री
alt

इटहरीः समुदायलाई प्रहरी एक असल साथी हो भन्ने आभास दिलाउन प्रहरीले सुरु गरेको कार्यक्रम हो समुदाय–प्रहरी साझेदारी कार्यक्रम ।

यति मात्र होइन, प्रहरीले नियमित गर्ने कामका अतिरिक्त सुमदायमा पर्ने अन्य समस्यामा ‘पार्टनरर्सीप’ गर्नु पनि यो कार्यक्रमको उद्देश्य हो । तर लामो समयसम्म कोरोना महामारीले प्रभाव पार्दा यो कार्यक्रम सुस्ताएको थियो । अहिले कोरोना महामारी केही कम भएको छ र समुदाय–प्रहरी साझेदारी कार्यक्रमले पुनः गति लिन थालेको छ । कोरोना महामारीले अरु क्षेत्रजस्तै यो कार्यक्रमलाई पनि प्रभाव पारेको तर अहिले प्रभाव कम हुँदै गएकाले कार्यक्रमलाई निरन्तरता दिन लागिएको इलाका प्रहरी कार्यालय इटहरीका प्रहरी नायबउपरीक्षक (डिएसपी) अर्जुन केसी बताउँछन् ।

उनले समुदायमा सहयोग मात्र नभएर यस कार्यक्रममार्फत् बढ्दो प्रविधिको प्रयोग र त्यसको उचित प्रयोग नहुँदा हुने दुर्घटनाका विषयमा विभिन्न जनचेतनामूलक कार्यक्रम गर्ने जानकारी दिए । उनले यो कार्यक्रमले थाहा पाएर अपराध गर्नेलाई भन्दा अन्जानमा गल्ति गर्नेलाई सजग बन्न सहयोग पुग्ने विस्वाश व्यक्त गरे । कोरोनापछि प्रहरीले पहिलो पटक रक्तदान कार्यक्रम गरेको छ । नेपाल रेडक्रस सोसाइटी उपशाखा इटहरीको समन्वयमा इलाका प्रहरी कार्यालय इटहरीले मंगलबार रक्तदान कार्यक्रम गरेको हो । रक्तदानमा सहभागि भएका समाजसेवी बाबुराम प्रधानले प्रहरी र समुदायको साझेदारी देख्दा खुसी लागको बताए । यसरी साझेदारीमा काम गर्दा समुदायको कुरा प्रहरी र प्रहरीको कुरा समुदायलाई थाहा हुने उनको भनाइ छ ।

blood donation

 

२०४५ सालमा पहिलोपटक रक्तदान गरेका उनले अहिलेसम्म एक सय १७ पटक रक्तदान गरिसकेको जानकारी दिए । उनले रक्तदान गर्दा आफूलाई कुनै नकरात्मक प्रभाव नपर्ने भन्दै सबैलाई रक्तदान गर्न अनुरोध गरे । समुदाय–प्रहरी कार्यक्रमबाट स्थानीय सरकारसँग समन्वय गरेर धेरै काम गरिसकिएको इटहरी उपमहानगरपालिका वडा नम्बर ६ का वडाध्यक्ष दिपक गौतमले जानकारी दिए । उनले दुवै पक्षलाई आवश्यक सूचना नविनतम प्रणालीबाट कसरी संकलन गर्ने भन्ने बारेमा आफू लागिपरेको जानकारी दिए ।

नेपाल रेडक्रस सोसाइटी उपशाखा इटहरीका सभापति विमल पौडेलले प्रहरीले नै रक्तदान गर्दा समुदायमा यस प्रतिको उत्साह झन बढ्ने भन्दै खुसी व्यक्त गरे । साथै उनले प्रहरीसँग मिलेर काम गर्न पाउँदा आफू पनि खुसी भएको बताए । एक साताअगाडि इलाका प्रहरी कार्यालय इटहरी र इटहरी उपमहानगरपालिकाका १६ वटा वडा संयोजकको भेलाले समुदाय प्रहरी साझेदारी कार्यक्रमलाई निरन्तरता दिने निर्णय गरेको थियो । भेलाले कोरोनाको संक्रमणलाई ध्यानमा राख्दै वडाहरुमा टोल समिति निर्माणको कामलाई सक्ने, ब्यानर बनाउने र कार्यक्रमहरु बनाएर सचेतनामुलक कार्यक्रम गर्ने निर्णय गरेको थियो ।

helth testing

प्रतिक्रिया दिनुहोस

रकम अभावमा हड्डीको क्यान्सरबाट पीडित बालिकाको उपचार प्रभावित

इटहरीः खोटाङको नुन्थला १३ घर भएकी हड्डीको क्यान्सरबाट पीडित १० वर्षीया बालिका सरिता विश्वकर्मालाई उप ...

दाहसँस्कार भइसकेको राजतन्त्र ब्युँताउनु निरर्थकः पहाडी

इटहरीः सुनसरीको इटहरीस्थित कबिर माध्यमिक विद्यालयमा आज मानव अधिकार तथा शान्ति समाज सुनसरी शाखाले एक ...

वियोगान्त प्रेमकथामा उदय भट्टराईको "किन माया लाउँछ" सार्बजनिक (भिडियो सहित)

इटहरीः धागो राम्रो घुम्ने चर्खाको, कति मिठो बोलि, पाइलै पिच्छे जरो खन्छ्यौ रे, यो बैंशमा रुन पर्याछ, ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved