इटहरीः मोरङको विराटनगर महानगरपालिका ७ स्थित मात्रिका मार्गमा रक्तदान कार्यक्रम सम्पन्न भएको छ ।
संकल्प फाउन्डेसनको आयोजनामा हिजो सम्पन्न रक्तदान कार्यक्रमबाट ३१ पिन्ट रगत संकलन भएको फाउन्डेसनका कोषाध्यक्ष अनिल राजवंशीले जानकारी दिए । उनका अनुसार कार्यक्रममा ३१ जना रक्तदाताहरुले रक्तदान गरेका थिए । रक्तदान जीवनदान भन्ने नारासहित सम्पन्न कार्यक्रमको आयोजनाका लागि नेपाल रेडक्रस सोसाइटीको विराटनगर शाखाले प्राविधिक सहयोग उपलब्ध गराएको थियो ।
अस्पतालमा उपचाररत गम्भीर बिरामीहरुलाई आवश्यक पर्ने रगतको अभावमा ज्यान जानबाट बचाउन रक्तदान कार्यक्रम आयोजना गरिएको संकल्प फाउन्डेसनले जनाएको छ ।
_1720278409.jpg)
