कविता – हस्पिटल

  • जेठ १२, २०७८
  • १५६ पटक पढिएको
  • प्रदेश पोर्टल
alt

-सन्तोष खरेल

तिम्रो तारिफ गर्दागर्दै
सुतेका लामबद्ध लासहरू
अन्तिमपटक तारिफ गर्न
उभिएका छन् तिम्रै अगि
एक थैलो अक्सिजनको आशामा ।

भो, अब नबोलाए कै राम्रो
ढल्नदेउ ती लासहरूलाई
छन् अझै हस्पिटलमा
तिमीले बिर्सिएका अनुहारहरू
बेड खाली हुने आशामा
पलपल मरेका आत्माहरू
आज पोल्दैछन् हातका ठेलाहरू
तिम्रो भाषणका तालीहरू ।

हस्पिटलको छिँडीबाट
टुलुटुलु बाटो हेरिरहँदा
बेखबर अक्सिजनका आश्वासनहरू
तयार भए मलामी जान
धितमरून्जे खस्न नपाएका
हस्पिटलको गेटका आँसु
गुम्सिरहेछन् एकान्तमा
आफ्नै गर्भको ज्वालामुखी भै
नआउ तिमी हस्पिटल
छैन यहाँ रातो कार्पेट र सलामी ।

जिन्दावाद,मुर्दावादका नारा सुन्दै
यता उता दौडन्छ एम्बुलेन्स
लाग्छ हस्पिटल हराएको छ
हेर्दा हेर्दे अन्तिम प्राण
आँखै अगाडि सेलाएको छ
न छुन सक्छ कसैले
न हेर्ने सक्छ कसैले
मन्दिर बनेका हस्पिटलहरू
सेतो पहिरनका भगवानहरू
युद्ध गर्दैछन् यमराजसँग
एकमुठी अक्सिजन जोगाउन ।

हस्पिटलमा छैनन्
चुनावी ढ्वाङहरू
पाटीका घोषणापत्रहरू
अपहरण गर्ने कार्यकर्ताहरू
जिन्दावाद, मुर्दावादका नाराहरू
कुर्सी वरपरका पुजारीहरू
हस्पिटलमा छ त केवल
भाइरस जित्नेलाई
हृदयको गोप्य मुस्कान
भाइरससँग हार्नेलाई
हृदयको गोप्य आँसु ।

थकित, निराश अनुहार बोकेर
हस्पिटल हेर्दैछ तिम्रो चुनावी लहर
तिम्रो समवेदनाले थलिएका
अनगिन्ती घाइते मनहरू
आउँदैछन् भोट हाल्न
हस्पिटलका बेवारिसे लासहरू ।

प्रतिक्रिया दिनुहोस

मन्त्रिपरिषद्ले तोकेभन्दा फरक आयो अन्तर्राष्ट्रिय उडान तालिका, ‘श्रम गन्तव्य मुलुकमै कम उडान’

काठमाडौँः गत सोमबारको मन्त्रिपरिषद् बैंठकले श्रम गन्तव्य मुलुकहरूलाई ध्यानमा राखेर अन्तर्राष्ट्रिय उ ...

सुन्दरहरैँचामा भारतीय नागरिकको शव फेला

इटहरीः मोरङको सुन्दरहरैँचामा कवाडी सङ्कलनको काम गर्दै आएका एक भारतीय नागरिकको शव फेला परेको छ । ४५ ...

मन्दिर निर्माणका क्रममा करेन्ट लागेर मजदुरको ज्यान गयो

इटहरीः मोरङको विराटनगर महानगरपालिका–१५ स्थित भट्टा चोकमा मन्दिर निर्माणको क्रममा करेन्ट लागेर ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved