‘ओली प्रवृत्ति’ विरुद्ध सुन्दरहरैँचामा चार पार्टी एकै ठाउँमा, चुरेक्षेत्रमा पनि ‘कू’ गरेको आरोप

  • जेठ २८, २०७८
  • १७६ पटक पढिएको
  • शंकर खत्री
alt

इटहरीः प्रधानमन्त्री केपी शर्मा ओलीले संविधान विपरीत संसद भंग गरेर मद्यावधि चुनाव गरेरको र अध्यादेशमार्फत् पूर्ण बजेट ल्याएको भन्दै यसको विरोध गर्न मोरङको सुन्दरहरैँचा नगरपालिकामा चार विपक्षी पार्टी एकजुट भएका छन् ।

शुक्रबार संयुक्त प्रेस विज्ञप्ति जारी गर्दै सरकार कोरोना महामारी नियन्त्रणमा चुकेको मात्र नभएर देशलाई आघात पुग्ने काम गरेको भन्दै आफूहरुले मोर्चाबन्दी गरेको जानकारी दिएका छन् । प्रधानमन्त्री ओलीले गणतन्त्र स्थापनाका खातिर अन्त्य भएका शासकसरह देश सञ्चालन गरेको नेकपा माओवादी केन्द्र मोरङ जिल्ला कमिटि सचिवलय सदस्य नवराज चापागाईँले आरोप लगाएका छन् । ‘खड्गप्रसाद ओलीको राज्य सञ्चालनको गतिविध त्योचाहीँ हिजोका राजा महाराजा भन्दा तानाशाही ढंगबाट सञ्चालन भएको छ’, विज्ञप्ति जारी गरेपछि बोल्दै उनले भने । प्रधानमन्त्रीको यो कदमले जनताले सरकारप्रति मात्र नभएर नेपाली राजनीतिक क्षेत्रमा नै आशंका गर्ने अवस्था र्सिजना भएको उनको भनाइ छ । विज्ञप्तिमा सरकारले दिन प्रतिदिन गैर संवैधानिक, अलोकतान्त्रिक तथा जनविरोधी काम गर्दै गएको र यसले राज्य सञ्चालन पद्धतिको आदर्शकै नै धज्जी उडाउँदै अधिनायकवादतर्फ उन्मुख भएको आरोप छ ।

सरकारले केही समयअघि गरेको बजेट भाषणमा चुरे क्षेत्रलाई दोहन गर्ने र व्यापारिक क्षेत्र बनाउने सम्मको ‘कू’ प्रयास भएको जसपा सुन्दरहरैँचा नगर कमिटि अध्यक्ष शंकर देवानले बताए । ‘बजेट भाषणमा सरकारले व्यापार घाटा कम गर्न चुरे दोहन गर्ने अवधारणा ल्याएको छ । यसको पनि हामीले विरोध गरेका छौँ’, देवानले भने । सरकारले गत जेठ १५ गते अध्यायदेशमार्फत् ल्याएको आर्थिक वर्ष २०७८÷०७९ को बजेटमा नेपालबाट ढुङ्गा गिटिजस्ता नदीजन्य वस्तुको निर्यातमा वृद्धि गर्ने घोषणा गरेको थियो । ओलीले संविधान मिच्ने काम मात्र नगरेको भन्दै अब देशमा पार्टीको विश्वासमा पनि आँच ल्याउने काम गरेको नेपाली काँगे्रस सुन्दरहरैँचा नगर कमिटि सभापति कृष्णबहादुर लिम्बूले बताए । ‘संविधान मिच्यो मात्र भन्दै छन् मान्छेले तर यसले (ओली) त पार्टी पनि मास्ने पर्यो संविधान पनि मास्ने पर्यो’, उनले भने ।

साथै अहिलेको सरकारले भ्रष्ट तथा ज्यानमाराहरुको साथ दिने गरेको उनको आरोप छ । ‘अहिलेको कोरोना पनि उसलाई बल भयो । किनभने अहिले हामीले आन्दोलन गर्न पनि नमिल्ने । यसले गर्दा उसले जे मनमा लाग्यो त्यही गरिरहेको छ’, उनले भने । जबसम्म प्रधानमन्त्री ओली सत्तामा रहिरहन्छन् तबसम्म आफूहरुको मोर्चाबन्दी कायम रहने लिम्बू बताउँछन् ।

प्रतिक्रिया दिनुहोस

इटहरीमा ७४ सहितप्रदेश १ मा ४२७ संक्रमित थपिए, ७१३ संक्रमणमुक्त

इटहरीः प्रदेश १ मा आज ७१३ जना कोरोना संक्रमणमुक्त भएका छन् । संक्रमणमुक्त हुनेमा ३४६ महिला र ३६७ पुर ...

सुनसरीमा निषेधाज्ञा खुकुलोः व्यवसायीलाई राहत, सुरक्षाकर्मीलाई चुनौति

इटहरीः सुनसरी जिल्ला प्रशासन कार्यालयमा असार ६ गते बसेको जिल्ला कोभिड संकट व्यवस्थापन केन्द्रको बैठक ...

‘जति धेरै गसिप, उति नै टीआरपी’

मुम्बईः बलिउडका चर्चित गायक कुमार सानुले विवादित बनेको ‘इन्डियन आइडल १२’ बारे मुख खोलेका ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved