सार्वजनिक खरिद ऐनको धज्जी उडाउँदै इटहरी उपमहानगर, बोराको ७१४ मा खरिद गरेको सिमेन्टको भुक्तानी ९६० रुपैयाँ

  • असार ९, २०७९
  • १७४७ पटक पढिएको
  • प्रकाश बन्जारा
alt

इटहरीः इटहरी उपमहानरपालिकाले सार्वजनिक खरिद नियमावलीको मर्मविपरीत उपभोक्ता समितिलाई भुक्तानी गर्दा बिल बिजक नहेरी लागत अनुमानको आधारमा मात्रै ठूलो रकम भु्क्तानी गरेको पाइएको छ ।

उपमहानगरले आर्थिक वर्ष २०७७/०७८ मा विभिन्न उपभोक्ता समितिमार्फत् भएका कामको भुक्तानी गर्दा सामान खरिद गरेको भन्दा २८ लाख ६० हजार ३७८ रुपैयाँ बढी भुक्तानी दिएको पाइएको हो ।

सार्वजनिक खरिद नियमावलीमा उपभोक्ता समितिले हरेक किस्ताको कामको प्राविधिक मूल्याङ्कन, बिल भरपाई र खर्च प्रमाणित गर्ने अन्य कागजात सम्बन्धित कार्यालयमा पेस गर्नुपर्ने र कार्यालयले सोही आधारमा रकम भुक्तान गर्नुपर्ने नियम भएता पनि नगरपालिकाले लागत अनुमान (इस्टिमेट) कै आधारमा बिल बिजक नहेरी बढी रकम भुक्तान गरेको महालेखापरीक्षकको प्रतिवेदनले देखाएको छ ।

उपमहानगरपालिकाको २०७८ असार ३० गतेको भौचर नम्बर १२७ बाट ७१४ रुपैयाँ प्रतिबोरा मूल्यमा खरिद गरिएको ओपीसी सिमेन्टको भुक्तानी ९६० रुपैयाँको दरले दिएको छ भने सोही मितिमा सोही भौचर नम्बरबाट ६०४ रुपैयाँ प्रतिबोराका दरले खरिद गरिएको पीपीसी सिमेन्टको भुक्तानीसमेत ९६० रुपैयाँ पचास पैसा प्रतिबोराका दरले दिइएको छ ।

289101708_571351394585184_1825786166780634575_n

 

यसैगरी, उपमहानगरले २०७८ असार ३० गते एक नम्बर इटामा १६ रुपैँया ३८ पैसा प्रतिगोटाका दरले खरिद गरेको बिल पेस भएकोमा १९ रुपैँया ७८ पैसाका दरले भुक्तानी दिएको छ । नगरले विभिन्न भौचर नम्बरबाट एक नम्बर इटाको भुत्तानी गर्दा प्रतिइटा १ रुपैयाँ ७५ पैसादेखि लिएर ३ रुपैयाँ ४ पैसासम्म बढी रकमको भुक्तानी दिएको छ ।

यता सिमेन्टमा पनि ओपीसी र पीपीसी सिमेन्टमा १८७ रुपैयाँ प्रतिबोरादेखि ३९६ रुपैयाँ प्रतिबोरासम्म बढी रकम भुत्तान गरेको छ भने टीएमटी छडमा समेत सोही प्रकारले बिल बिजकमा लेखिएभन्दा बढी भुक्तानी दिएको छ ।

उपमहानगरले ७९ रुपैयाँ प्रतिकिलोमा खरिद गरेको फलामे छडको अनुमानित लागत मूल्य देखाई ९७ रुपैयाँ १८ पैसाका दरले भुक्तानी गरेको पाइएको छ । यसैगरी २०७७ माघ ९ गते उपमहानरले १ सय वाटको सोलार पाता खरिद गर्दा ६ वटा सोलार पातामा २६ हजार ८ सय ५० रुपैयाँ बढी भुक्तान गरेको छ ।

अनुमानित लागत मूल्य १४ हजार रुपैयाँ प्रतिगोटा भएकोमा उपभोक्ता समितिबाट आएको बिलमा १८ हजार ४७५ रुपैयाँ देखाइएकोमा नगरपालिकाले सोही बिलको आधारमा भुक्तानी दिएको महालेखापरीक्षकको कार्यालयले जारी गरेको प्रतिवेदनले खुलाएको छ ।

प्रतिक्रिया दिनुहोस

धरानका मेयर हर्क साम्पाङको बोल्ड निर्णयः फोहोर गर्नेलाई ऐनअनुसार कारबाही गरिने

धरानः सडकमा जथाभावी फोहोर फाल्नेलाई धराान उपमहानगरपालिकाले कारबाही गर्ने तयारी गरेको छ । मङ्गलबार ब ...

सम्मानसँग स्वास्थ्योपचार पाउने भएपछि खुसी मुद्रामा पूर्वखेलाडी

विराटनगरः आफ्नो जीवनको लामो समय फुटबलमा व्यतित गरेका पूर्वफुटबल खेलाडी हरि खड्का आइतबार विराटनगरमा भ ...

राजस्थानी स्वाद चखाउन इटहरीमा खुल्यो राजस्थानी ढावा

इटहरी: भारतको हरियाणा तथा राजस्थानमा पाइने स्वादिलो खाना सेट ख्वाउन इटहरीमा राजस्थानी ढावा सञ् ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved