इटहरीः नेपाल रेडक्रस सोसाइटी हाँसपोसा उपशाखाको सभापतिमा सुमन दाहाल निर्वाचित भएका छन् ।
शनिबार भएको रेडक्रस सोसाइटी हाँसपोसा उपशाखाको निर्वाचनमा १ सय ३३ मत प्राप्त गर्दै दाहाल आगामी कार्यकालका लागि सभापतिमा निर्वाचित भएका हुन् ।
निर्वाचन अधिकृत बालकुमार पोखरेलका अनुसार ४५१ मतदातामध्ये कुल २५२ मत खस्दा दाहालले १३३ मत प्राप्त गरेका थिए भने उनका निकटतम प्रतिद्वन्द्वी भरत खतिवडा (केसी)ले ११० मत प्राप्त गरे ।
यसैगरी, उपशाखाको उपसभापतिमा विना भुजेल (पराजुली) विजयी भएकी छन् । पराजुलीले १४८ मत प्राप्त गरेकी छन् भने निकटतम प्रतिद्वन्द्वी पुण्यप्रभा गुरागाईँले ८९ मत प्राप्त गरिन् ।
सचिवमा सबिन खत्रीले ११७ मत प्राप्त गर्दै विजयी भए । सचिवकै उम्मेदवार जीवन गिरीले ९६ मत ल्याउँदा वसन्त घिमिरेले १८ मत प्राप्त गरे ।
यस्तै, कोषाध्यक्षमा विनोद कार्कीले १४२ मत प्राप्त गर्दै विजयी भए भने उनका निकटतम प्रतिद्वन्द्वी सन्तोष कटवाल थिए । पदाधिकारी बाहेकका पदमा निर्विरोध चयन भएको थियो ।
_1720278409.jpg)
