काठमाडौंः फिल्म बितरणमा छोटो समयमै आफ्नो दरिलो स्थान बनाउन सफल भएको कुवेर फिल्मस्ले अब देशब्यापी रुपमा हिन्दी फिल्म पनि बितरण गर्ने भएको छ । यही शुक्रबार अर्थात् ७ असारमा प्रदर्शन हुन लागेको हिन्दी फिल्म ‘इश्क भिश्क रिबाउन्ड’ बाट देशब्यापी बितरण सुरु गरेको छ ।
‘भागवत गीता’, ‘रंगेली’ र ‘फर्की फर्की’ मोफसलका हलमा बितरण गरिसकेको कम्पनीले बिराज भट्टको ‘१२ गाउँ’,धीरज मगर र उपासना सिंह ठकुरी अभिनीत ‘खुस्मा’, बिपीन कार्की र मिरुना मगर अभिनीत ‘उनको सुइटर’ लगायतका फिल्मको मोफसल प्रदर्शन अधिकार लिइसकेका छन् ।
‘अब हामी नेपाली फिल्म पनि देशब्यापी प्रदर्शन अधिकार लिने तयारीमा छौं । छिट्टै नै केही फिल्म लिदैछौ,’ आशिष भन्छन्,‘फिल्म बितरणलाई ब्याबसायिक रुपले लिएका छौं । त्यसकारण स्वदेशी,बिदेशी दुवै फिल्म बितरण गर्छाैं ।’ उनले आफूहरुले अत्यन्तै ब्यबस्थित,पारदर्शी ढंग र निर्माताको सोचअनुसार फिल्म प्रदर्शन गर्ने भएकाले एकपछि अर्काे ठूलो ब्यानर र कलाकारका फिल्म आफूहरुको कम्पनीले पाइरहेको बताउँछन् ।
_1720278409.jpg)
