धरानः प्रगतिशील लेखक सङ्घ केन्द्रीय कार्यसमितिले मङ्गलबार निधन भएका धरानका प्रगतिशील साहित्यकार वेणु आचार्यप्रति श्रद्धाञ्जली व्यक्त गरेको छ ।

प्रगतिशील साहित्यिक आन्दोलनमा नेपालको पूर्वी क्षेत्रबाट सिर्जनात्मक योगदान दिने कवि वेणु आचार्यको निधनप्रति दुःख व्यक्त गर्दै दिवङ्गत आचार्यप्रति श्रद्धाञ्जली व्यक्त गरिएको हो ।

सङ्घका अध्यक्ष मातृका पोखरेल र महासचिव आरएम डङ्गोलले बुधबार जारी गरेको विज्ञप्तिमा शोक सन्तप्त परिवारमा समवेदना व्यक्त गरिएको छ ।