करको भारले जनमत नचेपियोस्

सम्पादकीय

  • भदौ ५, २०७५
  • १११२ पटक पढिएको
  • प्रदेश पोर्टल
alt

 

सामान्य अर्थमा कर भनेको जनताले तिरेको रकम हो । यही रकमले देशको विकास हुने हो । समृद्धि पनि यही जनताको पसिनाको भरमा राज्यले गर्ने हो । सरकारले करको सही सदुुपयोग गर्नुपर्छ ।
तर जबजब जनताको सो पैसाको सही सदुुपयोग हुँदैन तब, करविरोधी धारणाले व्यापकता पाउँछ । हो, अहिले नेपालमा भएको पनि यही हो ।
व्यवस्था परिवर्तन भएपछि विकासमा व्यापक सुधार आउँछ भन्ने आशा जनतामा नभएको होइन । स्थानीय तहको निर्वाचन सम्पन्न भएको १ वर्ष पूरा भइसक्दा विकासको जति छनक दिनुुपर्ने हो त्यति हुन नसकेको भने पक्कै हो ।
यस्तो बेलामा स्थानीय सरकारले कर मात्र बढाउने नभई करको दायरा बढाउँदा पनि विरोध हुनु स्वाभाविक छ । तर सो सरकारले जनतालाई यो पनि ढुक्क बनाउनुुपर्छ कि सरकारलाई तिरेको करको सही सदुुपयोग हुन्छ भनेर । सो पैसाले विकास भएको अनुुुभूति जनताले ढिलो चाँडो पक्कै पाउँछन् ।
लामो समयदेखि मुलुक अस्थिरताको चपेटामा प¥यो । जसले गर्दा जोकोहीले जे गर्दा पनि हुन्छ भन्ने भ्रमले समाज चल्यो । दल चल्यो । प्रशासन चल्यो । लामो समय यस्तैयस्तै तरिकाले हाम्रो देशको राज्यप्रणाली चलिरह्यो ।
जनताको अधिकार कर्मचारीको मुठीमा केन्द्रित हुँदा चाहेजस्तो विकास हुन नसकी समाज पछाडि धकेलियो र यसका लागि केन्द्रीकृत शासन प्रणाली बाधा बन्यो भन्ने निष्कर्षले संघीयताको जन्म भयो । सिंहदरबारको अधिकार गाउँगाउँमा आयो ।
तर, मनोमानी गरिरहेकाहरूका लागि नियमको परिधि नरुच्नुु स्वाभाविक पनि हो । त्यसैले त्यस्ता सोच भत्काउन जरुरी छ । र, जरुरी छ जनताको पसिनाको कमाइ अर्थात् करको सही सदुुपयोग गर्न ।
अधिक अधिकारको भारीलाई सही स्थानमा अवतरण गर्न सकिएन भने सोही भारी घातक सिद्ध हुन पनि सक्छ । त्यसैले कुशल चालक प¥यो भने सवारीले सही गन्तव्य पक्रिन्छ, नत्र यात्रारत सबै यात्रुुको जीवन ग्यारेन्टी हुन्न ।
अहिले स्थानीय तहका सरकार हाँकिरहेका जनप्रतिनिधि यही परीक्षामा छन् । उनीहरूलाई प्राप्त मत जनताको बल हो । सोही बलले जनतामाथि शासन गर्न सक्ने आधार बनेको छ ।
लामो समय युुद्धले बिथोलिएको हाम्रो समाजलाई विकासले भुुलाउनुु छ । जनअपेक्षा, संविधानको मर्म र समयको मागबमोजिम स्थानीय सरकारका जनप्रतिनिधि चलेनन् भने आफ्नै टाउकोको भारीले गोडा कमजोर बनाउने छ ।
त्यसैले यस्तो समयमा हरेक स्थानीय सरकारले धेरैभन्दा धेरै विज्ञसँग छलफल र सहकार्य गर्दै प्राप्त अधिकारलाई अधिकतम उपयोग गर्नुुको विकल्प छैन । ताकि जनताले करले होइन, रहरले कर तिरून् ।

प्रतिक्रिया दिनुहोस

गरिमा बैंकको वित्तीय साक्षरता कार्यक्रम इटहरीमा सम्पन्न, एक सय तीस बढीलाई बैंकिङ्ग शिक्षा

इटहरीः नेपाल राष्ट्र बैकबाट ‘ख’ बर्गको वित्तीय कारोबार गर्न इजाजत पाएको गरिमा विकास बैँक ...

शहरका बालेनले जित्दा हारेका अर्का गाउँका बालेन

इटहरीः मधेश प्रदेशको कुनै ठाउँबाट राजधानी पुगेका बालेन्द्र साह इन्जिनियर हुन् र त्यस्तै इन्जिनियर हु ...

कोसी अस्पतालमा फोहोर गर्नेलाई कारवाही, संरक्षण नगर्न दलहरुलाई आग्रह

विराटनगरः कोशी अस्पतालको सुधारको लागि सरसफाईबाट काम शुरु गर्ने अस्पताल प्रशासनले जनाएकोछ । तत्काल गर ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved