धरानः झरना बचत तथा ऋण सहकारी संस्था लिमिटेडले सोमबार आयोजना गरेको रक्तदान कार्यक्रममा ९२ जनाले रक्तदान गरेका छन् । रक्तदानसँगै आयोजना गरिएको निःशुल्क दन्तपरीक्षण शिविरमा ५२ जनाले दाँत परीक्षण गरेका छन् ।
झरनाले आफ्नो नवौँ वार्षिकोत्सवको अवसरमा आयोजना गरेको सो कार्यक्रममा सहकारीका शेयर सदस्य र सर्वसाधारणको बाक्लो उपस्थिति रहेको थियो । धरानको भानुचोकस्थित लोकतान्त्रिक चौतारीमा आयोजित कार्यक्रममा नेपाल रेडक्रस सोसाइटी सुनसरीले प्राविधिक सहयोग गरेको सहकारी सञ्चालक समितिका अध्यक्ष मानबहादुर मगरले जानकारी दिए ।
दन्त शिविर पार्वती डेण्टलसँगको सहकार्यमा भएको उनले बताए । झरना सहकारी धरानको बचत तथा ऋण सहकारीमा उत्कृष्ट सहकारीको रूपमा चिनिँदै आएको छ । जिल्ला सहकारी सङ्घका वरिष्ठ उपाध्यक्ष नरेशकुमार इवारमको प्रमुख आतिथ्यमा सम्पन्न कार्यक्रममा विशेष अतिथि जिल्ला सहकारी सङ्घका उपाध्यक्ष दिनेश श्रेष्ठ र २ नम्बर वडाका वडाध्यक्ष माधवगोविन्द श्रेष्ठ रहेका थिए ।
कार्यक्रममा राष्ट्रिय सहकारी बैंक धरानकी प्रमुख सम्झना दाहाल, गरिमा विकास बंैकका क्षेत्रीय प्रबन्धक मीनराज सुवेदी रहेका थिए । संस्थाका अध्यक्ष मानबहादुर मगरको अध्यक्षतामा कार्यक्रम सम्पन्न भएको थियो ।
_1720278409.jpg)
