इटहरी: भोजपुरको पौवादुङमा गाउँपालिका वडा नम्बर १ का अध्यक्ष रुद्र बहादुर पान्डेको मृत्यु भएको छ। सबैभन्दा ज्येष्ठ  ७२ वर्षीय वडा अध्यक्ष पान्डेको आज निधन भएको गाउँपालिका अध्यक्ष किरण राईले जानकारी दिएका छन् ।

पान्डेसगै प्रदेश १ मा मृत्यु हुने जनप्रतिनिधिको सङ्ख्या ७ पुगेको छ। सात जनामा ३ स्थानीय सरकार प्रमुख र ४ वडा अध्यक्ष रहेका छन् । धरान उपमहानगर प्रमुख तारा सुब्बा, मकालु गाउँपालिका प्रमुख खड्ग बहादुर कटुवाल र फाल्गुननन्द गाउँपालिका अध्यक्ष अमर बहादुर नेम्बाङको मृत्यु भएको छ।

यस्तैगरि, धरान उपमहानगर ७, हिलिहाङ गाउँपालिका ७, धनपालथान गाउँपालिका २ का वडा अध्यक्षहरूको मृत्यु भइसकेकाे छ ।