एसियाली लेखक सम्मेलनमा सुवेदी र पोखरेल, पामुक र मुराकामी पनि सहभागी हुँदै

अरुन्धती रोयसँगै सुवेदी र पोखरेल ले दक्षिण एसियाको प्रतिनिधित्व गर्दै

  • भदौ १३, २०७६
  • १३८६ पटक पढिएको
  • विराट अनुपम
alt

इटहरीः विश्व प्रसिद्ध जापानी लेखक हारुकि मुराकामी देखी सन २००६ को नोबेल साहित्य पुरस्कार प्राप्त टर्किस लेखक ओरान पामुख उपस्थित हुने कार्यक्रममा नेपालबाट कविहरू अभि सुवेदी र सुमन पोखरेल सहभागी हुने भएका छन् ।

आगामी सेप्टेम्बर ४ देखी ६ अर्थात् भदौ १८, १९ र २० सम्म काजकिस्तानको राजधानी नुर सुल्तानमा हुने कार्यक्रममा सुवेदी र पोखरेलले सहभागिता जनाउने भएका छन् ।

कार्यक्रमको लागी सुवेदी र पोखरेल भदौ १७ गते मंगरबार बिहान टर्किस एयरलाइन्सबाट काजकिस्तान जाने भएका छन् । सहभागी कवि सुमन पोखरेलका अनुसार नेपाल देखी काजकिस्तान सिधा हवाई रुट नभएकाले टर्कीको इस्तानबुल ट्रान्जिट बनाएर ११ घण्टाको यात्रा पछि काजकिस्तानको कार्यक्रममा पुगिनेछ ।

‘त्रिभुवन अन्तर्राष्ट्रिय विमानस्थलबाट इस्तानबुल करिब ८ घण्टामा पुग्छौँ’, सन २०१३ र १५ मा दुई सार्क साहित्य पुरस्कार समेत पाएका कवि पोखरेलले भने,‘त्यहाँबाट काजकिस्तानको राजधानी नुर सुल्तान ३ घण्टा गरेर ११ घण्टामा हामी कार्यक्रम स्थलमा पुग्ने हाम्रो तालिका रहेको छ ।’

केन्द्रीय एसियाली देश काजकिस्तानमा आयोजना हुने ‘एसियाली देशका लेखकहरूको पहिलो मञ्च’ नामक कार्यक्रममा सुवेदी र पोखरेल सहभागी हुने भएका छन् । उनीहरू दक्षिण एसियाको प्रतिनिधित्व गर्दै मञ्चमा सहभागी हुने भएका छन् ।

सन १९९७ को बुकर पुरस्कार विजेता भारतीय लेखक अरुन्धती रोयसँगै सुवेदी र पोखरेल लगायतका विभिन्न १२ लेखकहरूले दक्षिण एसियाको प्रतिनिधित्व गर्दैछन ।

suman pokharell abhi subedi pradeshportal.com

सुवेदीले कार्यपत्र तथा कविता प्रस्तुत गर्ने कार्यक्रममा कवि पोखरेलले भने कविता र स्पिचको सेसन रहेको आयोजकले बताएको छ । एसियाका ४४ देशका २६० लेखकहरू उपस्थिति हुने कार्यक्रममा विश्वभरबाट १५ सय साहित्यिक पाहुनाहरू उपस्थिति हुने आयोजकले आफ्नो आधिकारिक वेबसाइट एसियन लिट फोरम डट केजेड्मा उल्लेख गरेको छ ।

काजकिस्तान लेखक सङ्घको ८५ औँ बर्षगाँठको अवसरमा कार्यक्रमको आयोजना भएको आयोजकले बताएको छ । कार्यक्रमलाई काजकिस्तानका राष्ट्रपति, काजकिस्तानको संस्कृति तथा खेलकुद मन्त्रालयले सहयोग गरेको आधिकारिक वेबसाइटमा जानकारी गराइएको छ ।

एसियाली लेखक मञ्चको कार्यक्रममा सहभागिता भएपछि एसियाली कला, साहित्य र लेखको बारेमा प्रत्यक्ष जानकारी हुने कवि पोखरेल बताउँछन् । भन्छन्, ‘यस्तो महादेशिय साहित्य मेलाले एसियाली साहित्य र साहित्यकारको प्रत्यक्ष अनुभवसँगै यस्ता इभेन्ट नेपालमा पनि कसरी गर्ने भन्ने बारेमा अनुभव हुनेछ ।’

abhi subedi and suman pokharell asian literature forum

प्रतिक्रिया दिनुहोस

तरुण सभापति सिजनको प ...

इटहरीः बेलायतका रहेका तरुण दल सुनसरीका सभापति सिजन गुरुङको पहलमा त्यहाँ रहेका नेपालीहरुबाट संकलित रा ...

लकडाउनले विचल्लीमा प ...

काँकरभिट्टाः  लकडाउनका कारण विचल्लीमा परेका यात्रुहरुलाई होटल व्यवसायी संघ मेचीनगरले भोली( सुक् ...

कोरोना भाइरस, कोशीन ...

इटहरीः कोरोना भाइरस( कोभिड १९ ) को संक्रमणले विश्व नै आक्रान्त बनेको छ । यो भाइरसको संक्रमणबाट नेपाल ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved