जिल्लाकै नमूना पब्लिक मावि धरान नगरपालिकाद्वारा सम्मानित

  • भदौ २३, २०७६
  • १३५ पटक पढिएको
  • प्रदेश पोर्टल
alt

धरानः गत असार २९ गते सुनसरी जिल्लाको नमूना विद्यालय घोषित भएको धरान १२ स्थित पब्लिक माध्यमिक विद्यालयलाई शिक्षा दिवसको अवसरमा धरान उपमहानगरपालिकाले पनि नगरको उत्कृष्ट विद्यालय घोषणा गरेको छ । जिल्लाकै नमूना विद्यालय बन्न सफल भएको पब्लिकलाई नगरले १० हजार रुपैयाँसहित पुरस्कृत गरेको छ ।

पछिल्लो समय धरानका सामुदायिक विद्यालय मध्ये उत्कृष्ट विद्यालयको रूपमा अघि बढिरहेको विद्यालयमा विद्यार्थीको पनि आकर्षण बढ्दै गएको छ । विद्यालयले गुणस्तरीय शिक्षा, समय परिवर्तनसँगै विद्यालयको व्यवस्थापनमा भएको परिवर्तनले अहिले पब्लिक हाइस्कुल सामुदायिक विद्यालय मध्येकै नमुना हुँदै गएको छ ।

२००३ सालमा स्थापना भएको विद्यालय धरानकै पुरानो विद्यालय हो । अहिले करीब १ हजार ८ सय विद्यार्थी अध्ययन गरिरहेका छन् । बदलिँदो परिवेशसँगै विद्यालयमा अङ्ग्रेजी माध्यमबाट पढाइको शुरुवात र प्रविधिमैत्री कक्षा सञ्चालनले विद्यालयलाई नमूना बनाएको हो । समयसापेक्ष परिवर्तन गर्दै शिक्षामा सुधार गर्न आवश्यक रहेकाले विद्यालयलाई नमूना बनाउन सफल भएको विद्यालयका प्राचार्य इन्द्रमोहन झाको भनाइ छ ।

अङ्गे्रजी माध्यमको पढाइमा विद्यार्थी आकर्षित हुन थालेपछि पब्लिकले पनि कक्षा ५ सम्म अङ्ग्रेजी माध्यमबाट नै अध्यापन गराउन थालेको छ । कक्षा ६ मा एउटा सेक्सनमा अङ्ग्रेजी र अर्को सेक्सनमा नेपाली माध्यमबाट पढाइ हुन्छ भने कक्षा ७ देखि माथि विज्ञान, गणित, कम्प्युटर विषयहरू अङ्ग्रेजी माध्यमबाट पढाइ हुने गरेको छ ।

विद्यालयको गुणस्तरीय शिक्षाका कारण बर्सेनी विद्यार्थीको सङ्ख्या पनि थप हुँदै गएको छ । झाका अनुसार स्कुल तहमा साढे ६ सय विद्यार्थी छन् भने ११ कक्षामा साढे ६ सय पुगेपछि भर्ना बन्द गरिएको थियो । कक्षा १२ मा साढे ५ सय विद्यार्थी अध्ययन गरिरहेका छन् । झाले भने, ‘शिक्षक, अभिभावक, विद्यार्थी, पूर्व विद्यार्थी सबैको सहयोग भइरहेको छ, त्यसैले पनि विद्यालय अघि बढिरहेको छ ।’

विद्यालयमा प्राविधिक शिक्षातर्फ इलेक्ट्रिक इन्जिनियरिङको पढाई हुन्छ । विज्ञान, व्यवस्थापन, मानविकी र शिक्षा सङ्कायको पढाइ हुन्छ । विगतमा सरकारी विद्यालयमा पढ्ने विद्यार्थी कमजोर हुन्छन् भन्ने मान्यतालाई चिर्दै विद्यालयले दिएका विभिन्न सुविधाकै कारण विद्यार्थीलाई अध्ययनशील बनाएको छ ।

उनी भन्छन्, ‘हामी इन्ट्रान्स परीक्षा लिएर भर्ना गर्छौँ, विभिन्न छात्रवृत्तिहरू प्रदान गरेका छौँ । त्यसैले पनि विद्यार्थीलाई पढ्नुपर्छ भन्ने छ, विद्यार्थीको चार्मिङ बढेको कारण नै त्यही हो ।’ विद्यालयले प्लस टु मा मेनेजमेन्ट शुरु गर्दा ११ जनाबाट शुरु गरिएको थियो । अहिले करिब १ सय १२ जना छन् । विद्यालय परिसरमा सरसफाइ, खानेपानी, ल्याब, यातायातको व्यवस्था गरिएको छ । अध्ययनका लागि पश्चिममा बगुवादेखि पूर्वमा चोकटीसम्मका विद्यार्थी आउँछन् ।

विद्यार्थीको सुविधाका लागि केही अघिदेखि यातायातको व्यवस्था गरिएको छ । बसकै कारण पनि विद्यार्थी थपिएको उनले बताए । धरानका सामुदायिक विद्यालयमा पहिलो पटक विद्यार्थीलाई यातायातको सुविधा दिइएको छ ।

उनले भने, ‘बस पुगेन भनेर गुनासा आउन थाले, त्यसले गर्दा अर्को भाडामा लिएका छौं अझै दुईटा बस थप्नुपर्ने भएको छ ।’ विद्यालयमा विद्यार्थीको आकर्षण बढ्दै गएपछि अर्को वर्षका लागि अहिले नै भर्नाका लागि बुक गर्न थालेको उनी बताउँछन् ।
विद्यार्थीलाई अध्ययनमा प्रोत्साहन गर्न साप्ताहिक रूपमा अतिरिक्त क्रियाकलापमा सहभागी गराउने गरेको छ । विद्यालयले १० कक्षासम्म विद्यार्थीसँग कुनै आर्थिक सहयोग वा कुनै शुल्क लिँदैन । टप विद्यार्थीलाई छात्रवृत्ति प्रदान गरेको छ ।

झाले भने, ‘प्लस टु मा टपरले निःशुल्क पढ्न पाउँछन्, वर्षमा ३ ओटा परीक्षा हुन्छ । त्यसमा एक छात्र र एक छात्रा टपरलाई १ महिना बराबरको फि हातमा दिन्छौँ ।’ विद्यार्थीलाई प्रोत्साहन गर्दै उनीहरूबीच प्रतिष्पर्धाको भावना जागृत गराउनुपर्छ भन्ने मान्यता राखेको उनले बताए ।

विद्यालयले सुविधा सम्पन्न लाइब्रेरी बनाएको छ । विद्यार्थीलाई अध्ययनको लागि एसीसहितको रिडिङ रुमको योजना बनाएको उनले बताए । उनले भने, ‘जो विद्यार्थी पढ्ने खालको छ त्यसलाई मात्रै प्रवेश हुन्छ, पढ्ने वातावरण बनाउने छौं, एक पटकमा ६४ जना विद्यार्थी पढ्न पाउँछन् । दिनमा १ सय ५० विद्यार्थीहरु पढ्न सक्छन्, त्यसमा ५० जना क्रिम विद्यार्थी निकाल्न सक्यौं भने हामी सफल हुन्छौं, त्यो लक्ष्य लिएका छौं ।’

कम्प्युटर रुममा इन्टरनेटबाट विद्यार्थीलाई अध्ययन गर्ने व्यवस्था मिलाइएको छ । डिजिटल स्मार्ट कक्षाको व्यवस्था गरिएको छ । प्रत्येक कक्षामा बुक कर्नर सिस्टम बनाइएको छ जहाँ शिक्षक नहुँदा पनि कक्षाकोठामा भएका पुस्तक पढेर विद्यार्थी बस्छन् ।

बत्तीको समस्या समाधान गर्न सोलारको व्यवस्था गरेपछि बिहान ६ बजेदेखि नै कक्षा शुरु हुने गर्दछ । सरकारले नगरपालिकामार्फत् दिवाखाजाका लागि बजेट विनियोजन गरिदिएपछि कक्षा ५ सम्मका विद्यार्थीलाई दिवाखाजाको व्यवस्था गरिएको छ ।

धरान उपमहानगरपालिकाले चतरालाइनको बाटो विस्तार गर्दा विद्यालयको भवन भत्किने भएकाले भवनको अभाव हुने उनले बताए । उनले भने, ‘अहिले पनि बिल्डिङ अभाव भइरहेको छ, बाटो विस्तार गर्दा अझै भत्कन्छ, त्यसैले सबैसँग सहयोगको अपेक्षा गर्दछु ।’

विद्यालयमा यस वर्ष मात्रै नयाँ विद्यार्थी २ सय २६ जना भर्ना भएका थिए । त्यसमध्ये १ सय १९ जना निजी विद्यालयबाट आएको उनले बताए । पढाइमा सुधार हुँदै गएकाले सामुदायिक विद्यालयमा पनि आकर्षण बढेको उनको भनाइ छ । गाडीको व्यवस्थाले पनि विद्यार्थीको चार्मिङ बढ्दै गएको उनले बताए । विद्यालयले धरानभित्रका स्कुल तहका विद्यार्थीलाई मासिक ५ सय रुपैयाँ, प्लस टु मा अध्ययनरत सर्दू र सेउती खोलापारीका लागि ८ सय रुपैयाँ मासिक गाडीभाडा लिने गरेको छ ।

प्रतिक्रिया दिनुहोस

पहिलो पाइलाको आयोजना ...

इटहरीः संविधान दिवसको अवसर पारेर पहिलो पाइला नेपाल सुन्दरहरैंचा शाखाले आज नगरव्यापी माविस्तरीय वक्तृ ...

संविधान दिवसको अवसरम ...

इटहरीः सामाजिक सेवाका लागि युवा अभियान (वाइएसएस) नेपाल सुन्दरहरैंचाले सुन्दरहरैंचा ७ को गोठगाउँ चोकम ...

धरानमा भोलिबाट पर्यट ...

धरानः ‘सहभागी बनौँ, अवलोकन गरौँ’ भन्ने नारासहित शनिवारबाट धरानमा तीन दिने इस्ट टुरिजम मा ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved