इटहरीः गत महिना नेपाली सेनाले कोसी नदी किनारमा रहेको उदयपुरको बोप्ताङ डाँडादेखि प्याराग्याइडिङ उडाएर आफ्नो पहिलो व्याचका पाइलट उत्पादन गर्यो ।
नेपाल प्याराग्याइडिङ एन्ड ह्यान्ड ग्याइडिङ एसोसिएसन (नेफा) प्रदेश १ समितिसँगको सहकार्यमा एसियन प्याराग्याइडिङ एकेडेमीले दिएको तालिममा सहजकर्ता थिए धराने पाइलट राम राई । सावन १७ देखी असोज सम्म भएको तालिममा २४ जना सेनाका पाइलटहरू उत्पादन भइसकेका छन् ।
तालिमकै दौरानमा सन २००९ मै लाइसेन्स लिएका पाइलट राम राईले केही टेन्डेम (दुई जनाको) उडान गरे । आफ्नो उडानको बारेमा बोल्दै पाइलट राईले बेलकाको आकाशमा प्याराग्याइडिङ उडाउँदा बेग्लै आनन्द हुने बताए ।
प्रदेशपोर्टलकर्मि विराट अनुपमसँग उडानमै अनौपचारिक अन्तरवार्ता गर्दै पाइलट राम राईले, ‘प्यराग्लाइडिङमा बेलकाको फाल्दै विशेषता छ ।’
उनै पाइलट रामसँग गरिएको अनौपचारिक बर्ताको सारांशः
दाइ कस्तो भइरहेको छ?
असम असम (अत्यन्तै राम्रो उत्कृष्ट) ।
तपाईले पोखराको आकाशमा उडाउनु भएको छ । धरानमा उडाउनु भएको छ । धनकुटामा उडाउनु भएको छ । यो बेलकाको चैँ के छ दाइ?
बेलकाको चाहिँ फाल्टै विशेषता छ । पोखरामा फेवाताल छ । माछापुच्छ्रे देखिन्छ । हिमऋङ्खलाहरु देखिन्छ । हाम्रो पनि कम छैन । मिनी थाइल्यान्ड यहाँ छ । यस्तो सिनिक छ नि । सिजनमा दुइटा सिन यहाँ देखिन्छ । एउटा सिन चाहिँ ड्राइ र एउटा ग्रिन हो । अहिले हामी ग्रिन सिजनमा उडिरहेका छौँ । उड्दा आफैलाई मजा लाग्ने क्या ।
दाइ एकातिर कोशिटप्पु छ, अर्कोतिर कोसी छ । बराहक्षेत्र र चतरा यही पेरिफेरिमा पर्छ । यो ठाउँमा हामीले टुरिस्टहरूलाई कसरी ल्याउन सकिन्छ?
यसको लागी आन्तरिक गृहकार्य र प्रचारप्रसार नै हो मेनचाहि । प्रचारप्रसारसँगै यसको पूर्वाधार विकास, स्थानीयमा जनचेतना, सरकारको लगानी र प्राइभेट सेक्टरलाई हौसला दिनुपर्यो ।
धरानको प्याराग्याइडिङ फ्लप भयो । यसलाई हिट बनाउन के गर्न सकिन्छ?
यो तेतिकै हिट हुँदैछ । किनभने नेपाली सेनाले यहाँ पहिलो प्याराग्याइडिङ पाइलट उत्पादनको तालिम केन्द्र बनाइसकेको छ । अरू स्थानीय र आन्तरिक आवागमन पनि बढेर गएको छ । नयाँ नयाँ मान्छेले जानकारी पाउनु भएको छ । आउन थाल्नु भएको छ । प्याराग्याइडिङ सोलो सिक्नलाई यो राम्रो ठाउँ भएको छ ।
कोसी नदिलाई प्याराग्याइडिङको भाषामा के भन्न सकिन्छ दाइ?
यससलाइ हामीले नेपाली बिच मान्न सक्छौँ । मिनी समुन्द्रको अनुभव यहाँ माथि उडेर लिन सकिन्छ ।
_1720278409.jpg)
