प्रदेश सरकारको आयोजनामा धरानमा अन्तर्राष्ट्रिय चलचित्र महोत्सव हुने

  • कार्तिक ४, २०७६
  • १५२ पटक पढिएको
  • प्रदेश पोर्टल
alt

धरानः प्रदेश नम्बर १ सरकारले पहिलो पटक धरानमा अन्तर्राष्ट्रिय चलचित्र महोत्सव गर्न लागेको छ ।

राष्ट्रिय स्तरमा दोस्रो पटक चलचित्र महोत्सव हुन लागेको हो । कात्तिक २२ गतेदेखि २४ गतेसम्म आयोजना हुने महोत्सवको तयारी तीव्र रूपमा भइरहेको प्रदेश सरकारले जनाएको छ । महोत्सवलाई सम्पन्न गर्न सुनसरी उद्योग वाणिज्य सङ्घमा सचिवालय समेत स्थापना भएको छ । महोत्सवमा देश र विदेशका गरी १८ ओटा नेपाली र ३ ओटा स्वीस चलचित्र प्रदर्शनी हुने भएका छन् ।

प्रदेश सरकारको आयोजनामा हुने महोत्सवको सह–आयोजकमा धरान उपमहानगरपालिका रहनेछ भने स्वीस विकास नियोगले समेत सहयोग गरेको छ । धरान सभागृहमा आयोजना हुने महोत्सव अवधिभर प्रदर्शन हुने चलचित्र निःशुल्क हेर्ने व्यवस्था मिलाइएको बताइएको छ ।

चलचित्र महोत्सव मूल आयोजक समितिका अध्यक्ष तथा प्रदेश सरकारका आन्तरिक मामिला तथा कानुन मन्त्री हिक्मतकुमार कार्कीले महोत्सवले कला, संस्कृतिको जगेर्ना गर्ने बताए । उनले प्रदेश नं. १ मा ५ लाख पर्यटक भित्र्याउने लक्ष्यका साथ महोत्सव आयोजना गरिएको बताए । महोत्सवका लागि प्रदेश सरकारले ३० लाख रुपैयाँ बजेट विनियोजन गरेको छ । उनले भने, ‘हिम्मतका साथ काम गरिरहेका छौं, ३० लाख बजेट छुट्याएका छौं, त्यतिले पनि नपुगे थप पनि गर्न तयार छौँ ।’ महोत्सव धरानको इज्जत र प्रतिष्ठासँग जोडिएकाले महोत्सवलाई सफल पार्न धरानबासीलाई सक्दो सहयोग गर्न उनले आग्रह गरे ।

कार्यक्रममा बोल्दै धरान उपमहानगरपालिकाकी कार्यवाहक मेयर मञ्जु भण्डारी सुवेदी र सुनसरी उद्योग वाणिज्य सङ्घका अध्यक्ष गिरिधारी सापकोटाले धरानको प्रतिष्ठासँग जोडिएको महोत्सव भएकाले सहयोग गर्ने प्रतिबद्धता जनाए ।

महोत्सवमा आर्टिष्टिक किसिमका चलचित्र प्रदर्शन हुने भएका छन् । महोत्सव हुनुभन्दा करीब १ हप्ता अगाडिदेखि नै चलचित्रको प्रचारप्रसार र गतिविधिलाई तीव्रता पारिने आयोजकले जनाएको छ । धरानमा हुने चलचित्र महोत्सवका लागि विभिन्न समिति गठन भइसकेको छ । चलचित्र महोत्सवको तयारीका लागि मुख्यमन्त्री शेरधन राईको संयोजकत्वमा निर्देशक समिति बनाइएको प्रदेशका प्रमुख सचिव सुरेश अधिकारीले जानकारी दिए ।

प्रतिक्रिया दिनुहोस

कात्तिक १७ गतेको त् ...

इटहरीः गत कार्त्तिक १७ गते रानी–धरान ६ लेन सडक अन्तर्गतको इटहरी– तरहरा खण्डमा बाटो चौडाक ...

इटहरीका मेयरले बोली ...

इटहरीः रानी– धरान ६लेन सडक अन्तर्गतको इटहरी तरहरा खण्डका बारे इटहरी नगरपालिकाले धारणा परिवर्तन ...

नेपालको संविधानले मा ...

बिराटनगर :समृद्ध नेपाल र सुखी नेपाली’को निम्ति मानव अधिकार पूर्णरुपमा संरक्षण हुनुपर्नेमा वक्त ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved