‘सामाजिक कुरीति विरोधी कार्यक्रम र महिला सशक्तीकरण मेरा एजेन्डा हुन’

  • माघ ५, २०७६
  • ३९९ पटक पढिएको
  • प्रदेश पोर्टल
alt

आज तीन बजे प्रदेश १ मा जार जना राज्यमन्त्री थपिए । थपिनेहरूमा एक्ली महिला अनुहार थिइन जसमाया गजमेर विश्वकर्मा । सामाजिक विकास राज्यमन्त्री भएकी झापाकी समानुपातिक सांसद प्रदेश १ को मन्त्रीपरिषदकि एक्ली महिला हुन । मुख्यमन्त्री सहित पाँच मन्त्री र चार राज्यमन्त्रीमा विश्वकर्मा एक्ली महिला अनुहार हुन । उनै मन्त्री विश्वकर्मासँग प्रदेशपोर्टलकर्मि विराट अनुपमले टेलिफोन कुराकानी गरेका छन् ।

प्रदेश १ को मन्त्रिमण्डलमा चयन हुने एक्लो महिला हुनु भएकोमा बधाई छ ।

धेरै धन्यवाद ।

मन्त्री बन्दैछु भन्ने पहिलो जानकारी कसरी पाउनु भयो?

हुन त २०७४ फागुन ३ मा प्रदेश १ को मन्त्रीपरिषद् गठन हुँदै मेरो हल्ला चलेको थियो । हल्ला हल्लामै सीमित भयो । विगत दुई महिना अगाडि पनि मेरो पनि मन्त्री बन्नेको लिस्टमा नाम छ भन्ने कुरा आयो । मलाइ पत्यार लागेको थिएन । आज बिहान ११ बजेपछि मुख्यमन्त्रीले शपथको लागी तयार हुनु भनेपछि मात्रै म मन्त्री बन्दै छु भन्ने निश्चित भयो ।

एक प्रदेश सांसद भएर घर आउनु र राज्यमन्त्री बनेर आउनुमा के फरक हुँदो रहेछ?

केही फरक हुदोरहेछ । आज धेरै बधाई तथा शुभकामनाहरू आए । तर, दैनिकीमा भने फरक भएन । शपथग्रहण सकेर म बिर्तामोड आफ्नो घर सम्म पहिलेकै जसरी आएँ । आज भने घरमा झापा बैगुनधुराबाट आमाबुबा आउनु भएको छ । ६३ वर्षीय आमा हर्कमाया र ६९ वर्षीय बुबा केन्द्रलालसँगै आज हामी घरमा छौँ । अहिले पनि बेलाबेला बधाई र शुभकामना आइरहेको छ । त्यो भन्दा अरू धेरै फरक छैन ।

jas maya gajmer bishwakarma pradesh 1 mantri birat anupam

तपाँइको राजनीतिक यात्रा कसरी र कहिलेबाट सुरु भयो?

म २०३४ असार १९ गते इलाम जिल्लाको हाल फाकफोकथुम गाउँपालिकामा पर्ने साबिक लुङ्दे गाउँमा जन्मिए । मेरो परिवार सामान्य परिवार हो । समाजमा केही जातीय विभेदहरूको महसुस गरेर पीडा हुन्थ्यो । यसै क्रममा म २०४६ सालपछि एमालेसँग राजनीतिक रूपमा जोडिए । पछि २०५३ मा इलामको महेन्द्ररत्न बहुमुखी क्याम्पसमा आइएड भर्ना भएपछि भने म विद्यार्थी राजनीतिमा सक्रिय भए । स्ववियु सदस्य  भए । पछि विवाह गरेर झापा आए । झापामा पनि राजनीतिक रूपमा सक्रिय भए । झापाको क्षेत्र नम्बर २ को क्षेत्रीय कमिटी, दुई कार्यकाल जिल्ला कमिटी हुँदै प्रदेश कमिटी सदस्य सम्म भए । तत्कालीन एमालेमा हुँदा प्रदेश कमिटी सदस्य थिए । एकीकरणपछि पनि नेकपा प्रदेश १ कमिटी सदस्य नै छु । म पार्टीको राष्ट्रिय प्रतिनिधि परिषद् सदस्य पनि हुने मौका पाए । २०६४ सालको संविधानसभाको चुनावमा झापाबाट समानुपातिक सांसदको टिकट पनि पाएँ । तर, पार्टीले चुनाव हारेकाले म संविधानसभा सदस्य भने हुन पाइन ।

तपाँइलाइ विवाहपछि परिवारमा रहेर राजनीति गर्न कत्तिको गाह्रो सजिलो भयो?

मलाइ गाह्रो भएन । मेरो श्रीमान् मोहन विश्वकर्मा आफै २०३७ साल देखी नै भूमिगत कालदेखि कम्युनिस्ट राजनीतिमा हुनुहुन्थ्यो । २०५७ मङ्सिर २७ मा हाम्रो पार्टी लाइनमै विवाह भयो । विवाहपछि बरु मेरो श्रीमानको राजनीतिमा केही असहज भयो । मलाइ धेरै सहयोग भयो । मेरो आमा पनि २०५४ ताका गाउँ कमिटी सदस्य हुनुन्थ्यो । त्यसले पनि मलाइ राजनीति गर्न कुनै तनाव भएन परिवारको तर्फबाट । तर, ३ दिदी बहिनी र २ दाजु भाइको मेरो परिवारमा राजनीतिमा ज्यादा सक्रिय भने म नै भए ।

province one ministers taking oath of office

तपाँइलाइ पहिलोपटक राजनीतिमा झुकाव राख्दा एक दिन मन्त्री हुन्छु भन्ने सपना थियो?

थिएन । म मन्त्री बन्न भन्दा पनि सामाजिक विभेदका विरुद्ध राजनीतिमा सक्रिय भएको थिए । मन्त्री हुने मेरो सपना थिएन । समय क्रमले राज्यमन्त्री बनायो ।

प्रदेश १ को सामाजिक विकास राज्यमन्त्री भएपछि तपाँइका प्राथामिकताहरु के के हुन?

सामाजिक विकास राज्यमन्त्रीले गर्नुपर्ने सबै जिम्मेवारी त पुरा गर्नैपर्छ । त्यसमा पनि मेरो खास ध्यान चाहिँ महिलाको आर्थिक सशक्तीकरणमा हुनेछ । महिलाले आर्थिक रूपमा बलियो भएपछि मात्रै हिंसा भोग्नु पर्दैन । महिलाको आर्थिक सशक्तीकरणसँगै सामाजिक कुरीति विरुद्ध पनि मेरो ध्यान हुनेछ । सामाजिक कुरीति विरोधी कार्यक्रम र महिला सशक्तीकरण मेरा एजेन्डा हुन ।

प्रतिक्रिया दिनुहोस

बिशिष्ठ योगदान गर्ने ...

इटहरीः होटल व्यवसायी संघ इटहरीले आफ्नो संघलाई अहोरात्र खटेर मजबुद बनाउन योगदान पुर्याउने ५ जना होटल ...

नेपाली युवाहरुको व् ...

इटहरीः झापामा डेढ अर्ब लगानीमा निर्माण भएको प्रदेश नम्बर १ कोे पहिलो पाँचतारे होटल मेची क्राउन आउदो ...

२२ औं बुढासुब्बा टुब ...

सुनसरीः मोफसलकै प्रतिष्ठित अन्तराष्ट्रिय आमन्त्रण बुढासुब्बा टुबोर्ग गोल्डकपको दोस्रो दिनको खेलमा वि ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved