दमकः दुवईबाट एक महिनाअघि घर फर्किएका दमकका एक जनामा एन्टिबडी पोजेटिभ देखिएको छ ।

कोरोना भाइरस (कोभिड–१९) को रोकथाम तथा नियन्त्रणका लार्गि यापिड डाईगोनष्टिक टेस्ट (आरडीटी) गर्ने क्रममा विहीबार गरिएको परिक्षणमा एन्टिबडी पोजेटिभ देखिएको दमक नगरपालिकाकी उपप्रमुख गीता अधिकारीले जानकारी दिइन् ।

आरडीटी परिक्षणमा पोजेटिभ देखिएका ती ब्यक्तिको स्वाब परिक्षणका लागि वीपी कोइराला स्वास्थ्य विज्ञान प्रतिष्ठान धरानमा पठाईएको छ ।

शरिरमा भाइरसको जिवाणु सक्रिय वा निष्क्रिय रहेको बारेमा परिक्षण गर्दा ती ब्यक्तिमा सकृय अर्थात पोजेटिभ देखिएको हो ।

विहीबार दमकमा ७ जनामा आरडीटी परिक्षण गरिएको मध्ये एक जनामा एन्टिबडी पोजेटिभ र अन्य ६ जनामा नेगेटिभ देखिएको थियो ।

दमकका विभिन्न क्वारेन्टाइनमा ४१ जना व्यक्तिहरु छन । जसमा अहिलेसम्म सबैको आरडीटी टेष्टमा नेगेटिभ आएको थियो ।

क्वारेन्टाइनमा बसेका सबैको स्वास्थ अवस्था सामान्य रहेको र एन्टिबडी पेजेटिभ देखिएका ती युवालाई दमक अस्पतालमा रहेको आईसोलेसन वार्डमा राखिएको छ ।

उनको स्वास्थ्य अवस्था सामान्य रहेको दमक नगरपालिका स्वास्थ्य शाखाका जनस्वास्थ्य निरीक्षक बद्री बरालले जानकारी दिए ।