इटहरीः नेपालमा एकै दिन ५७ जना कोरोना संक्रमित थपिएका छन् । एकै दिन यति धेरै संख्यामा संक्रमित देखिएको नेपालमा पहिलो पटक हो । केही बेर अघि स्वास्थ्य तथा जनसंख्या मन्त्रालयले जारी गरेको प्रेस विज्ञप्ती अनुसार नेपालमा कोरोना संक्रमितको संख्या १ सय ९१ पुगेको छ । आज थपिएकाहरुमा कपिलबस्तुका ८, रुपन्देही ९ जना र पर्सामा ३९ जना र बारामा १ जना नयाँ संक्रमित थपिएका हुन् । संक्रमित सबै पुरुष भएको मन्त्रालयले जनाएको छ । उनिहरुको स्वास्थ्य अवस्था सामान्य रहेको र स्वास्थ्यकर्मीहरुको सम्पर्कमा रहेको मन्त्रालयले जनाएको छ ।